ورالدا د. قونايەۆتىڭ ءمۇسىنى ورناتىلدى - فوتو
ونىڭ اشىلۋ راسىمىنە قاتىسقان د. قونايەۆتىڭ كوزىن كورگەن زامانداستارى، ورال قالاسىنىڭ قۇرمەتتى ازاماتى جايساڭ اقباي، يۆان گاپيچ جانە باسقالارى ەستەلىكتەرىمەن ءبولىستى.
ەسكەرتكىشتى وڭىرگە تانىمال مۇسىنشىلەر يۋري جانە دميتري بايمۇقاشيەۆتەر تۇرعىزدى.
ب ق و- داعى قونايەۆ قوعامدىق قورىنىڭ ءتوراعاسى، ەڭبەك ارداگەرى نۇرلان ىزتەلەۋوۆتىڭ ايتۋىنشا، ەلىمىزدە بىرەگەي تۇلعانىڭ ەسىمىن ماڭگى ەستە قالدىرۋ باعىتىندا ءبىراز جۇمىستار اتقارىلىپ كەلەدى.
مىسالى، شىعىس قازاقستان وبلىسىنداعى لەنينوگور پوليمەتالل كومبيناتىنا، الماتى قالاسىنداعى ك. ماركس كوشەسىنە د. قونايەۆتىڭ اتى بەرىلدى. جەر عىلىمى سالاسىنداعى جاس عالىمدارعا جىل سايىن د. قونايەۆ اتىنداعى سىيلىقتار بەلگىلەندى. سونداي-اق ورال قالاسىنداعى 6-شاعىن اۋدان مەملەكەت قايراتكەرىنىڭ ەسىمىمەن اتالدى. دىنمۇحامەد قونايەۆ تۋرالى بىرنەشە ەستەلىك كىتاپتار شىعارىلدى.
