قازاقستانعا اكەلۋگە تىيىم سالىنعان تاعام ونىمدەرىن وندىرۋشىلەر استاناعا كەلىسسوزگە كەلدى

استانا. قازاقپارات - ق ر ۇ ە م تۇتىنۋشىلاردىڭ قۇقىقتارىن قورعاۋ كوميتەتى ونىمدەرىنە تىيىم سالىنعان رەسەيلىك وندىرۋشىلەردى قابىلدادى، دەپ حابارلادى ۆەدومستۆونىڭ باسپا ءسوز قىزمەتىنەن.

بۇدان بۇرىن ءمالىم ەتىلگەندەي، قازاقستان كەيبىر رەسەيلىك جانە قىرعىزستاندىق ونىمدەردى ەلگە اكەلۋگە تىيىمدى ءبىر ايعا شەگەرگەن.

وندىرۋشىلەرگە ونىمدەرىن كەدەن وداعى رەگلامەنتىنىڭ تالاپتارىنا سايكەستىككە كەلتىرۋگە ۋاقىت بەردى.

«ق ر ۇ ە م تۇتىنۋشىلاردىڭ قۇقىقتارىن قورعاۋ كوميتەتىنىڭ باسشىلارى ونىمدەرىنە تىيىم سالىنعان رەسەيلىك «حوحلاند» رۋسسلاند ج ش ق، م ك «پرەوبراجەنسكي» ج ش ق، «كامپينا» ج ش ق وكىلدەرىمەن كەزدەستى. كەزدەسۋگە رەسەيلىك بيزنەسمەندەر تاراپى باستاماشىلىق ەتتى. تاراپتار قازاقستان اۋماعىنا ونىمدەرىن كەلەشەكتە وتكىزۋ جاعدايلارىن (زەرتحانالىق باقىلاۋدى كۇشەيتۋ بولىگىنە) تالقىلادى»، - دەلىنگەن ۇ ە م حابارلاماسىندا.

وندىرۋشىلەر وتكىزۋدى شەكتەۋ بويىنشا قازاقستاندىق تاراپتىڭ دالەلدەرىمەن كەلىستى، ق ر اۋماعىنا اكەلىنەتىن تاعام ونىمىنە ءتيىستى باقىلاۋ دەڭگەيىن قامتاماسىز ەتۋگە ءازىر ەكەندىكتەرىن جەتكىزدى. «اڭگىمە نەگىزىنەن كەدەن وداعىنىڭ تەحنيكالىق رەگلامەنتتەرىنىڭ نورمالارىن ساقتاۋ جايىندا. بۇدان باسقا، رەسەيلىك وندىرۋشىلەرگە «فەرمادان - داستارقانعا دەيىن» قاعيداتىن ۇستانىپ، ءوندىرۋ ساتىسىنان سوڭعى تۇتىنۋشىعا دەيىن ءونىمدى باقىلاۋ كەپىلدىگىن ۇسىندى. ق ر- عا بۇرىن اكەلىنگەن ونىمدەرگە قاتىستى ايتار بولساق، ءونىم تەك زەرتحانالىق باقىلاۋدى كۇشەيتكەننەن كەيىن عانا وتكىزىلەتىن بولادى»، - دەپ ناقتىلادى ۆەدومستۆودان.

15- قازانعا دەيىن وندىرۋشىلەر مەن ءتيىستى مەملەكەتتىك ورگاندارعا ءوز كاسىپورىندارىنا تەكسەرۋ جۇرگىزۋ جانە ءوندىرۋ، تاسىمالداۋ، ساقتاۋ، وتكىزۋ ساتىسىندا ونىمدەردى باقىلاۋدى كۇشەيتۋ مۇمكىندىگى بەرىلدى.