د. مەزەنتسيەۆ ش ى ۇ فورۋمىنىڭ جەكە فيليالىن ۇلتتىق بىرلىكتىڭ قازاقستاندىق ۇلگىسىنە ارناۋدى ۇسىندى
ول بۇل باستامانى بەيجىڭدە وتكىزىلگەن «قازاقستان حالقى اسسامبەياسى جىلى: قوعامدىق كەلىسىم مەن ۇلتتىق بىرلىكتىڭ قازاقستاندىق ۇلگىسى» تاقىرىبىندا ۇيىمداستىرىلعان دوڭگەلەك ۇستەل بارىسىندا كوتەردى.
«الداعى جىلى 18 مەملەكەتتىڭ وكىلى تاجىكستان جەرىندە ش ى ۇ فورۋمىنىڭ 12- وتىرىسىنا جينالادى. بۇل ايماقتاعى قاۋىپ-قاتەرلەر، گۋمانيتارلىق سالاداعى ۇردىستەر، سونداي-اق ۇلتتار مەن ۇلىستار اراسىنداعى قارىم-قاتىناستاردىڭ قانداي بولۋى تيىستىگى جايلى ماسەلەلەر كەيدە قىزۋ پىكىر-تالاس تۋدىراتىن رەسمي ەمەس الاڭ.
مەن سەكسيالاردىڭ بىرىندە بۇگىن ءبىز ايتقانداي، قازىرگى قازاقستاننىڭ ەتنيكاارالىق قارىم-قاتىناسى اياسىنداعى ۇلگىسىن ۇسىنۋدى ويلاستىرىپ وتىرمىن. بۇل باستاما قازاقستاندىق دوستار تاراپىنان قولداۋعا يە بولادى دەپ ويلايمىن جانە ش ى ۇ- عا قاتىسۋشى- ەلدەردىڭ ءبارى دە قىزىعۋشىلىق تانىتاتىندىعىنا سەنىمدىمىن»، - دەدى ول.
