ازيادا باتىرى الماتى وبلىسىندا پارا بەرۋشىنى ۇستادى

تالدىقورعان. قازاقپارات - الماتى وبلىسىنىڭ جول پوليتسەيى ازامات قازىبايەۆ «الماتى- وسكەمەن» كۇرە جولىندا وزىنە پارا بەرمەك بولعان جۇرگىزۋشىنى ۇستادى.

بەلگىلى بولعانداي، كۇدىكتى ەر ادام جول-كولىك پوليتسەيى، ءوڭىردىڭ كولىك جۇرگىزۋشىلەرىنە قۇقىق بۇزۋشىلارعا دەگەن پرينتسيپتىلىگىمەن تانىمال ازامات قالىبايەۆتى پارا بەرىپ ساتىپ الماق بولعان.

سونداي-اق اعا لەيتەنانت ا. قالىبايەۆ 2010-جىلعى قىسقى «ازيادا» كەزىندە كورسەتكەن ەرلىگىمەن دە جۇرتقا بەلگىلى. ول كەزدە پاترۋلدىك ماشينامەن جاپونيا جانە وڭتۇستىك كورەيا ەلدەرى دەلەگاتسياسىنىڭ 12 مۇشەسى مىنگەن اۆتوبۋسپەن ەرىپ جۇرگەن ەدى. قوناقتار «اق بۇلاق» كەشەنىنە قاراي (تالعارعا جاقىن) باعىت الىپ كەلە جاتقان بولاتىن. «الماتى-كوكپەك-كوكتال» جولىنىڭ 13- شاقىرىمىندا قارسى بەتتەن «سۋبارۋ-يمپرەزا» اۆتوماشيناسى شىعا كەلدى. پوليتسەي اۆتوبۋستىڭ الدىندا ءوز اۆتوموبيلىمەن جولدى كولدەنەڭدەي بوگەپ، سوققىنى وزىنە قابىلدادى. ءسويتىپ ەرجۇرەك ازامات اپاتتىڭ الدىن العان ەدى.

كورسەتكەن باتىرلىعى ءۇشىن پوليتسيا وفيتسەرى 2011-جىلى «ەرلىگى ءۇشىن» مەدالىمەن ماراپاتتالدى.

پوليتسەيگە پارا بەرمەك بولعان ارەكەتتى ىشكى قاۋىپسىزدىك باسقارماسىنىڭ قىزمەتكەرلەرى ءتۇسىرىپ العان. ونىڭ ۇستىنەن قىلمستىق ءىس قوزعالدى، دەپ اتاپ ءوتتى وبلىستىق پوليتسياداعىلار.