قازاقستان بىزگە جەرۇيىق مەكەن بولعانى ءۇشىن ءىلتيپات بىلدىرەمىن - اتىراۋداعى ەۆرەي ەتنومادەني بىرلەستىگىنىڭ جەتەكشىسى
بۇل تۋرالى اقوردانىڭ باسپا ءسوز قىزمەتى حابارلادى.
اۆتور ءوز حاتىندا شەت ەلدەرگە تۇراقتى تۇرۋعا كەتكەن جاقىندارىنىڭ كۇردەلى جاعدايلارى تۋرالى ايتقان. پ. تكاچ سولاردىڭ كوپشىلىگى تىلدىك بەيىمدەلۋگە، الەۋمەتتىك تەڭسىزدىككە، سونداي- اق قارۋلى قاقتىعىستارعا بايلانىستى ءتۇرلى قيىندىققا ۇشىراپ وتىرعانىن اتاپ كورسەتكەن.
سوعان وراي ول نۇرسۇلتان نازاربايەۆقا ەلىمىزدە تاتۋلىق پەن كەلىسىم ساياساتىن جۇرگىزىپ وتىرعانى ءۇشىن ريزاشىلىعىن بىلدىرگەن، سونىمەن قاتار قوناقجايلىعى مەن كەڭ پەيىلى ءۇشىن قازاقستان حالقىنا العىس ايتقان.
«قيىن- قىستاۋ جىلدارى قانشاما ادامعا پانا بولدىڭىزدار، قولداۋ كورسەتتىڭىزدەر. قازاقستان بىزگە جەرۇيىق مەكەن بولعانى ءۇشىن جانە ءبارىمىز بەيبىت اسپان استىندا ءومىر ءسۇرىپ جاتقانىمىز ءۇشىن سىزدەرگە ءوزىمنىڭ عانا ەمەس، بۇكىل تۋعاندارىمنىڭ اتىنان باس ءيىپ، ءىلتيپات بىلدىرەمىن. ءبىز بەلگىلەنگەن بارلىق رەفورمالاردى جۇزەگە اسىراتىنىمىزعا نىق سەنىمدىمىن. مەن بۇعان ءوز تاراپىمنان بار كۇشىم مەن ءبىلىمىمدى جۇمسايتىن بولامىن»، - دەلىنگەن حاتتا.
