داريعا نازاربايەۆا تاتارستان پرەزيدەنتىن ۇلىقتاۋ راسىمىنە قاتىستى
ءراسىم ساليح سايداشيەۆ اتىنداعى ۇلكەن مەملەكەتتىك كونسەرت زالىندا ءوتتى.
تاتارستان پرەزيدەنتىن سالتاناتتى ۇلىقتاۋ راسىمىنە 700 دەن استام ادام شاقىرىلدى. وعان دەپۋتاتتار، تاتارستان ۇكىمەتىنىڭ مۇشەلەرى، مينيسترلىك پەن ۆەدومستۆولار، كاسىپورىن باسشىلارى، فەدەرالدىق بيلىك ورگانى، قوعامدىق ۇيىم وكىلدەرى، رەسەي وڭىرلەرىنىڭ باسشىلارى قاتىستى.
قۇرمەتتى قوناقتاردىڭ ىشىندە قازاقستان رەسپۋبليكاسى پرەمەر-ءمينيسترىنىڭ ورىنباسارى داريعا نازاربايەۆا، تاتارستان ءبىرىنشى پرەزيدەنتى مينتيمەر شايميەۆ، تۇركيا ەكونوميكا ءمينيسترى نيحات زايبەكدجي، ر ف پرەزيدەنتىنىڭ پريۆولجسك فەدەرالدىق وكرۋگىنەن وكىلى ميحايل بابيچ بولدى.
سالتاناتتى ۇلىقتاۋ ءراسىمىن مەملەكەتتىك كەڭەس ءتوراعاسى فاريد مۋحامەتشين اشتى. ول ءراسىمدى رەسمي اشىق دەپ جاريالاعاننان كەيىن رەسەي مەن تاتارستان مەملەكەتتىك تۋى مەن ت ر پرەزيدەنتىنىڭ بايراعى ەنگىزىلدى. قولىن كونستيتۋتسياعا قويعان رۋستام ميننيحانوۆ سالتاناتتى تۇردە انت بەردى.
«تاتارستان رەسپۋبليكاسى حالقىنا ادال قىزمەت ەتۋگە، ازاماتتاردىڭ قۇقىقتارى مەن بوستاندىقتارىن، ت ر مەملەكەتتىك ەگەمەندىگىن قامتاماسىز ەتۋگە، ر ف كونستيتۋتسياسىن، ت ر كونستيتۋتسياسىن جانە ت ر زاڭدارىن ساقتاۋعا، ماعان جۇكتەلگەن ت ر پرەزيدەنتىنىڭ جوعارى مىندەتتەرىن ادال ورىنداۋعا سالتاناتتى تۇردە انت ەتەمىن»، - دەدى ول.
