قازاقستان جولسەرىكتەرىنە پويىزداردا ساۋدا جاساۋىنا رۇقسات بەرىلمەك
بۇل تۋرالى بۇگىن استانادا تەمىرجول كولىگىن دامىتۋعا ارنالعان كەڭەستە «جولاۋشىلار تاسىمالى» ا ق- نىڭ ستراتەگيالىق دامۋ جانە جاڭا تەحنولوگيالار جونىندەگى اتقارۋشى ديرەكتورى اسىلحان قالدىكوزوۆ ءمالىم ەتتى.
ونىڭ سوزىنە قاراعاندا، پەرسونالدى ىنتالاندىرۋ ءۇشىن جانە كىرىستىڭ جاڭا كوزدەرىن تابۋ تۇرعىسىندا پويىزداردا قوسىمشا قىزمەتتەردى ۇيىمداستىرۋ ماسەلەسى قارالىپ جاتىر.
«بۇل شارالار جولسەرىكتەردىڭ پايدا تابۋىن ىنتالاندىرۋ ءۇشىن، ەكىنشىدەن، پويىزداردا تولىقتاي ستيحيالىق ساۋدانى جويۋ باعىتىندا جاسالماق. اتاپ ايتقاندا ساپالى سۋسىندار مەن باسقا دا قاجەتتى زاتتاردى جولسەرىكتەر وزدەرى ساۋدالاپ، وسىدان سىياقى الادى»، - دەدى ا. قالدىكوزوۆ.
وسى ورايدا ول بۇل قاناتقاقتى جوبا ەلوردا ماڭىنداعى پويىزداردا بيىل ەنگىزىلەتىنىن اتاپ ءوتتى.
«ەگەر دە جاقسى ناتيجە بولسا، بۇل باستاما وزگە وڭىرلەرگە تارالادى»، - دەدى ا. قالدىكوزوۆ.
بۇدان بولەك ول 2015 -جىلى «تۇلپار تالگونىڭ» 240 جولسەرىگى اعىلشىن ءتىلىن جەتىلدىرۋ كۋرستارىنان وتكەنىن جەتكىزدى.
اۆتور: رۋسلان عابباسوۆ
