قازاقستاندىق ءانشى قىز تۇركيالىق شوۋدىڭ كەلەسى كەزەڭىنە ءوتتى - كەسكىن

استانا. قازاقپارات - قازاقستاندىق ءانشى لۋينا «Rising Star Türkiye» بايقاۋىنىڭ ەكىنشى كەزەڭىندە اليشا كيزدىڭ Empire State of Mind ءانىن شىرقادى.

«اقتىق كەزەڭگە دەيىن جەتكىم كەلەدى. لايىقتى قاتىسۋشىلاردىڭ وتە كوپ بولۋىنان، ونىڭ وتە قيىن بولاتىنىن ءتۇسىنىپ وتىرمىن»، - دەدى لۋينا ساحناعا شىقپاس بۇرىن.

ءان ورىندالعان سوڭ قۇرامىنا مۇستافا ساندال، دەمەت اكالىن، ويكۋ سەرتەر جانە فۋات سياقتى انشىلەر كىرگەن قازىلار القاسى تاڭدانىستارىن جاسىرا المادى.

تانىمال تۇرىك ءانشىسى مۇستافا ساندال مۇنىڭ الدىنداعى كەزەڭدە دە لۋينانىڭ تالانتىن لايىقتى باعالاعان بولاتىن. وسى جولى ول ءسوزى جەتپەيتىنىن جانە ورىنداۋ «وتە ادەمى» بولعانىن ايتتى.

ەسكە سالا كەتەيىك، وندا لۋينا بەيونسەنىڭ «Halo» ءانىن اسا شەبەر ورىنداپ شىققان ەدى.