جەر كۇننەن قانشا الىستا جاتىر - كەسكىن
ارينە، جەر مەن كۇننىڭ اراقاشىقتىعى 149,6 ميلليون شاقىرىم ەكەندىگى ەرتەرەكتە-اق بەلگىلى بولعان. دەگەنمەن قاشىقتىقتى كوزبەن ەلەستەتۋ كوپتىڭ قولىنان كەلە بەرمەيدى.
وسىعان كوز جەتكىزۋ ءۇشىن امەريكالىق ۋيليام وۆەرستريت پەن الەكس گوروش كۇن جۇيەسىنىڭ اينالۋ اۋقىمىن شىنايى كوزبەن كورۋ مۇمكىندىگىن جاساۋعا تىرىستى.
بۇل جىگىتتەر استرونومياعا قىزىعۋشىلىق تانىتىپ جۇرگەندەرىنە كوپ بولعان. راسىندا ادامدار عارىشقا قاتىستى ناقتى ساندىق كورسەتكىشتەردى بىلگەنىمەن، ولاردىڭ قاي شامادا ۇلكەن ەكەنىن كوزدەرىنە ەلەستەتە المايدى. سول ءۇشىن الەكس پەن ۋيليام بلەك روك (قارا جارتاس) شولىندە كۇن جۇيەسىنىڭ ماسشتابتى مودەلىن جاساۋعا بەل بۋعان.
ەرىكتىلەر اتالعان شولدەگى ديامەترى 11 شاقىرىم تەگىس جەردى تاۋىپ، 36 ساعاتتا كۇن جۇيەسىنىڭ مودەلىن جاساعان. ول ءۇشىن جارىق كوزى، كامەرا، ارنايى ولشەۋ قۇرىلعىلارى، استرونوميالىق ءبىلىم جانە سەنىم مەن تاعات جۇمساعان.
massaget.kz
