ن. نازاربايەۆ قازاقستاندىق كيىمدەردى كيۋگە شاقىردى

اتىراۋ- استانا. قازاقپارات - ق ر پرەزيدەنتى نۇرسۇلتان نازاربايەۆ قازاقستاندا تىگىلگەن كيىم مەن اياق كيىم كيەدى.

«بارلىق وڭىرلەردە شاعىن جانە ورتا بيزنەستى دامىتۋ كەرەك. بىزدە بۇرىن بولماعان ءوندىرىس ورىندارىن اشۋ ارقىلى وسى سالادا ءتيىمدى جۇمىستار اتقارىپ جاتىرمىز. الايدا، ءبىز دە وتاندىق ءوندىرىستى قولداۋىمىز كەرەك. مىسالى، مەن قازاقستاندا تىگىلگەن كوستيۋم كيەم، اياق كيىمىم دە ءوز ەلىمىزدە تىگىلگەن. ءوزىمىزدىڭ جەڭىل ونەركاسىبىمىزگە وسىلاي جارناما جاسايمىن»، - دەدى نۇرسۇلتان نازاربايەۆ اقتوبە، اتىراۋ، باتىس قازاقستان، ماڭعىستاۋ وبلىستارىنىڭ اكىمدەرىمەن بولعان جيىندا.

سونداي- اق، ەلباسى بۇگىنگى تاڭدا ەلىمىزدە ساپالى وتاندىق تاۋارلاردى ءوندىرۋ كولەمىن ارتتىرۋ بويىنشا جۇمىستار اتقارىلىپ جاتقانىن ايتتى.