رامىزدەردى ناسيحاتتاۋ جۇيەسىن جاڭعىرتۋ جونىندەگى جوسپاردىڭ جوباسى ازىرلەندى - گ. ءابدىقالىقوۆا - فوتو
«مەملەكەتتىك رامىزدەردى، ەلدى مەكەندەردىڭ، قالالاردىڭ، اۋدانداردىڭ، استانا جانە الماتى قالالارى مەن وبلىستاردىڭ رامىزدەرىن قولدانۋ مەن ناسيحاتتاۋ جۇيەسىن جاڭعىرتۋ جونىندەگى 2015-2020 -جىلدارعا ارنالعان جوسپاردىڭ جوباسى ازىرلەندى»، - دەدى گۇلشارا ءابدىقالىقوۆا.
بۇل قۇجاتتى ەلباسىنىڭ ۇسىنعان «100 ناقتى قادام» ۇلت جوسپارىن ورىنداۋ اياسىنداعى جاڭعىرتۋ جونىندەگى ۇلتتىق كوميسسيا ازىرلەدى.
مەملەكەتتىك حاتشى جوسپاردى ازىرلەۋدىڭ باستى ماقساتى - قازاقستاندىق بىرەگەيلىكتى جانە بىرلىكتى نىعايتۋعا باعىتتالعان مەملەكەتتىك رامىزدەردى قولدانۋ مەن ناسيحاتتاۋ جۇيەسىن جاڭعىرتۋ ەكەنىن اتاپ ءوتتى.
وتىرىس بارىسىندا ءتيىستى مەملەكەتتىك ورگاندارعا جاڭعىرتۋ جونىندەگى شارالار وتكىزۋ مەن مەملەكەتتىك رامىزدەر سالاسىندا نورماتيۆتىك- قۇقىقتىق بازانى جەتىلدىرۋ، سونداي- اق اقپاراتتىق ناسيحاتتاۋعا نازار اۋدارۋ جۇكتەلدى.
اۆتور: رۋسلان عابباسوۆ
