جوۋ لي: قازاقستان - وڭىردەگى قۋاتتى دەرجاۆا

 بەيجىڭ. قازاقپارات - قىتاي كومپارتياسى قازاقستاننىڭ باسقارۋشى پارتياسىمەن ىنتىماقتاستىقتى نىعايتۋعا مۇددەلى.

بۇل تۋرالى «نۇر وتان» پارتياسى ءتوراعاسىنىڭ ءبىرىنشى ورىنباسارى اسقار مىرزاحمەتوۆپەن كەلىسسوز بارىسىندا قىتاي كوممۋنيستىك پارتياسى ورتالىق كوميتەتى حالىقارالىق ءبولىم مەڭگەرۋشىسىنىڭ ورىنباسارى  جوۋ لي مالىمدەدى.

«ءبىز الەمنىڭ 180 نەن استام ەلدەرىنىڭ 600 دەن استام ساياسي پارتيالارىمەن تىعىز بايلانىستامىز. نەگىزىنەن مەملەكەتتىك باسقارۋ تاجىريبەسىمەن الماسامىز(...) ءبىز ءوز ارامىزدا ديالوگ بويىنشا تۇراقتى تەتىك قۇرۋىمىز قاجەت. ەكى پارتيانىڭ جوعارىدا تۇرعان دەلەگاتسيالارىمەن تاجىريبە الماسۋ ءار ەكى جىل سايىن جۇزەگە اسىرىلىپ وتىرادى دەپ ۇمىتتەنەمىز»، - دەدى ول.

ونىڭ ايتۋىنشا، ق ك پ لاوس، كامبودجا، ميانما، ءۇندىستان، پاكىستان، يندونەزيا، ماولايزيا، سينگاپۋر جانە باسقا دا ەلدەرىمەن وسىنداي تۇراقتى الماسۋدى قولدايدى.

«ءبىز ورتالىق ازيا ەلدەرىمەن تۇراقتى پارتيالىق بايلانىستى رەتتەپ بولعان جوقپىز. بۇل جاعىنان قۋاتتى وڭىرلىك دەرجاۆا سانالاتىن قازاقستانعا دەگەن ءبىزدىڭ ىنتا- ىقىلاسىمىز ەرەكشە»، - دەپ اتاپ ءوتتى  جوۋ لي.

ق ك پ جوعارىدا تۇرعان وكىلى وڭىرلىك پارتيالىق ۇياشىق، ب ا ق، مادەني- گۋمانيتارلىق جانە باسقا دا سالالار دەڭگەيىندە ىنتىماقتاستىقتى نىعايتۋدى ۇسىندى.

ەسكە سالا كەتەيىك  جوۋ لي ءار جىلدارى ك س ر و- داعى، ر ف- داعى ق ح ر ەلشىلىگىندە جۇمىس ىستەدى، ۋكرايناداعى (2007-2010 ج ج)، قازاقستانداعى (2010-2013 ج ج. ) قىتاي ديپلوماتيالىق وكىلدىكتەرىن باسقاردى.

وسى ساپار بارىسىندا قازاقستاندىق دەلەگاتسيا قۇرامىنا «نۇر وتان» پارتياسىنىڭ حاتشىسى فارحاد قۋانعانوۆ، ق ر پارلامەنتى ءماجىلىسىنىڭ دەپۋتاتى، ساياسي كەڭەس بيۋروسىنىڭ مۇشەسى، پارتيالىق باقىلاۋ كوميتەتىنىڭ ءتوراعاسى قۋانىش سۇلتانوۆ، سىبايلاس جەمقورلىققا قارسى ءىس- قيمىل بويىنشا رەسپۋبليكالىق قوعامدىق كەڭەس ءتوراعاسى قايىربەك سۇلەيمەنوۆ، پارتيا ءتوراعاسىنىڭ ءبىرىنشى ورىنباسارى كەڭەسشىسى بەرىك قۇرمانعالي، پارتيانىڭ ساياسي مەنەدجمەنت مەكتەبىنىڭ ديرەكتورى اسەت ءابدۋلايەۆ كىردى.