حالىق بانك ۇلتتىق بانكتەن «بيازى، ءادىل بولۋدى جانە تۇسىنىكتى سويلەۋدى» سۇرادى
قارجىلاي رەتتەۋشى ۇسىنعان ەسەپ- قيساپ، «تولىق ەمەس، جاڭىلىستىرادى جانە نارىق قاتىسۋشىلارى تاراپىنان قاتە تۇسىندىرمەگە تاپ بولدىرادى»، دەپ ەسەپتەيدى بانكتەگىلەر.
«ق ر ۇلتتىق بانكى مۇنداي ەسەپ- قيساپتى ۆاليۋتا نارىعىنىڭ قاتىسۋشىلارى مەن قازاقستاننىڭ قاتارداعى ازاماتتارىنا بۇرمالانباعان اقپارات بەرۋ ءۇشىن كاسىبي جانە تۇجىرىمدى ەتىپ بەرۋدى سۇرايدى، اسىرەسە تۇراقسىز نارىق جاعدايى مەن ۇلتتىق ۆاليۋتامىز تەڭگەنىڭ جوعارى قۇبىلمالىلىعى كەزىندە»، - دەلىنگەن قارجى ۇيىمى تاراتقان حابارلامادا.
«بارشاعا ايان، ورتالىق بانكتەردىڭ مالىمدەمەلەرىنە كوڭىل كوپ بولىنەدى، ولاردىڭ ءاربىر فرازاسى نارىققا زور ىقپال ەتەدى، جوعارى قۇبىلمالىلىققا ۇرىندىرىپ، ۇلتتىق ۆاليۋتاعا دەگەن سەنىمسىزدىك تۋدىرا الادى. بيازى، ءادىل بولىپ، كەز كەلگەن اقپاراتتى تاراتقاندا انىق كورسەتىپ بەرۋ كەرەك»، - دەپ ۇلتتىق بانكتىڭ تالاپتارىن حالىق بانك وزىنە قويدى.
ايتا كەتەيىك، حالىق بانكتىڭ نارازىلىعى 16 -قىركۇيەكتەگى ۇلتتىق بانك جاريالاعان كەلىسىمدەر جونىندەگى اقپاراتتان كەيىن تۋىندادى. ول مالىمەتتەردە دوللاردىڭ باعامى 285,77 تەڭگە بولعاندا ساۋداعا قاتىسقانداردىڭ اراسىندا حالىق بانك بولعان - 58 ميلليون دوللار.
بۇگىن حالىق بانكتەگىلەر بۇل كورسەتكىش قازاقستان قور بيرجاسىداعى بارلىق ساتۋ مەن ساتىپ الۋدان تۇسكەن قارجى ەكەنىن ءتۇسىندىردى. وسىلايشا قارجى ۇيىمى ۇلتتىق بانكتەن مالىمەتتى دۇرىس جاريالاۋدى سۇراپ وتىر.
