قازاقستان اسكەري- تەڭىز كۇشتەرى جاڭا مينا- تارتقىش كورابلىمەن تولىقتىرىلادى

 استانا. قازاقپارات - قازاقستان اسكەري- تەڭىز كۇشتەرىنىڭ جاراقتاندىرۋىنا جاڭا مينالىق- تارتقىش كورابلى كەلىپ تۇسەدى.

كورابل نيەۆسك كەمە قۇراستىرۋ زاۋىتىنان (سانكت- پەتەربۋرگ ق. ) كەلەدى جانە جوسپار بويىنشا قىركۇيەكتىڭ اياعىندا سۋعا جىبەرىلەدى.

 ق ر  ق ك اسكەري- تەڭىز كۇشتەرى باس قولباسشىسى باسقارماسىنىڭ ايتۋىنشا، كورابل بازالاردىڭ، كەمەجايلاردىڭ، كەمە جولدارى مەن جاعا ماڭىنىڭ سۋ ايدىندارىن ميناعا قارسى قورعاۋ ءۇشىن ارنالعان. ول كىرىكتىرىلگەن شاعىن گاباريتتى ناۆيگاتسيا جانە تۇراقتاندىرۋ جۇيەسىمەن، كورابلدى گيدرومەتەورولوگيالىق قامتاماسىز ەتۋ كەشەنىمەن، سپۋتنيكتىك ناۆيگاتسيالىق جۇيەلەردى قابىلداۋ اپپاراتۋراسىمەن، جاھاندىق تەڭىز بايلانىسى جۇيەسىنىڭ، راديوترانسلياتسيا جانە باقىلاۋ اپپاراتۋراسىمەن جابدىقتالعان. سونىمەن بىرگە، كەمەنىڭ جاپپاي جويۋ قارۋىنان قورعاۋ قاسيەتتەرى، امبەباپ سۋ جانە ماگنيتتىك قورعاۋ جۇيەلەرى، حيمياعا قارسى جەلدەتكىشى مەن جاراقتاندىرۋدا اتىستى اۆتوماتتاندىرىلعان باسقارۋ جۇيەسى بار ا ك-306 شتاتتىق ارتيللەريالىق كەشەنى، 12,7 م م وقشاشارى جانە تارتقىش قارۋ- جاراعى بار.

 قازىرگى ۋاقىتتا ق ر ق ك ءا ت ك جاراقتاندىرۋىندا قازىرگى زامانعى زىمىران- ارتيللەريالىق كورابلدەرى، شاعىن كۇزەت كەمەلەرى مەن كاتەرلەرى تۇر. اتالعان مينا- تارتقىش كورابلى وسى ارسەنالدى تولىقتىرادى، ونى ىسكە قوسۋ قازاقستاندىق اسكەري- تەڭىز كۇشتەرىنىڭ جاۋىنگەرلىك قابىلەتتىلىگىن ارتتىرۋعا ىقپال ەتەدى، دەپ حابارلايدى ق ر ق م باسپا ءسوز قىزمەتى.