تاجىكستاندا وپپوزيتسيالىق يسلام پارتياسىنىڭ تۇگەل دەرلىك باسشىلىعى قاماۋعا الىندى

 استانا. قازاقپارات - بۇگىن تاجىكستاندا وپپوزيتسيا ەلدىڭ يسلام قايتا ورلەۋ پارتياسىنىڭ تۇگەل دەرلىك باسشىلىعىنىڭ قاماۋعا الىنعانى تۋرالى مالىمدەدى.

بۇل تۋرالى تاجىك تەلەگراف اگەنتتىگىنە سىلتەمە جاساعان كيرتاگ حابارلادى.

«تاجىكستان يسلام قايتا ورلەۋ پارتياسى» (ت ي ق پ) كەڭەسىنىڭ تۇگەلگە جۋىق مۇشەلەرى ۇستالدى»، - دەپ حابارلاندى تاجىك وپپوزيتسياسىنىڭ پورتالىندا.

بەلگىلى بولعانداي، سارسەنبى كۇنى كەشكە اتالعان ساياي ۇيىم ءتوراعاسىنىڭ قۇقىق ماسەلەلەرى بويىنشا كەڭەسشىسى زارافو راحموني ءوز ۇيىندە ۇستالدى. سول كۇنى كۇندىز دۋشانبە قالاسىندا ت ي ق پ ءتوراعاسىنىڭ ءبىرىنشى ورىنباسارى سايدۋمار حۋساينيدىڭ دۋشانبە- الماتى اۋە رەيسىنەن الىنعانى، ال كەشكى مەزگىلدە پارتيا ءتوراعاسىنىڭ تاعى ءبىر ورىنباسارى - ماحمادالي ءحايتتىڭ ۇستالعانى تۋرالى حابارلانعان.

بۇدان باسقا، جەرگىلىكتى ب ا ق- تاردىڭ مالىمەتتەرىنشە، تاجىكستان اۋماعىنان كەتۋگە ارەكەتتەنگەن ت ي ق پ ساياسي كەڭەسىنىڭ مۇشەسى ۆوحيدحون كوسيددينوۆ ۇستالدى.

«قىرعىزستان ەلىمەن شەكارا بەكەتتەرىنىڭ بىرىندە تاجىكستان اۋماعىنان شىعىپ كەتپەك بولعان ول ءماجبۇرلى تۇردە ۇيىنە قايتارىلىپ، ال كەشكە قاماۋعا الىندى»، - دەلىنگەن حابارلامادا.

 پورتالدىڭ مالىمەتتەرىنشە، قاماۋلاردى ت ر قاۋىپسىزدىك ورگاندارىنىڭ قىزمەتكەرلەرى اتقاردى.