سولتۇستىك كورەيا ا ق ش- قا قارسى يادرولىق قارۋ قولدانباق بولىپ وتىر
بۇل تۋرالى bigmir.net حابارلادى.
ەلدىڭ تستاك اقپارات اگەنتتىگىنىڭ بۇل حابارلاماسى پحەنياننىڭ تىيىم سالىنعان بالليستيكالىق تەحنولوگيانى مەتەورولوگيالىق سپۋتنيك وربيتاسىنا شىعارۋ ءۇشىن قولداناتىنى تۋرالى قوقان-لوققىسىمەن تۇسپا-تۇس كەلىپ وتىر.
بۇل قورقىتۋشىلىق ك ح د ر- دىڭ ءوزىنىڭ باستى جاۋلارى - كورەيا مەن ا ق ش- تان ساياسي تۇرعىدا شەگىنۋگە قول جەتكىزگىسى كەلەتىن كەزەكتى قادامىنا باسقانىن كورسەتەدى.
سەۋل سەيسەنبى كۇنى ك ح د ر- دىڭ الىس قاشىقتىقتاعى زىمىراندار ۇشىرعالى جاتقانىن جەتكىزدى. وسىدان كەيىن پحەنيان مۇنى كەلەسى ايدا بولاتىن ماڭىزدى ساياسي وقيعاعا وراي جاساي الاتىنىن مالىمدەدى. ءبىراق مۇنداي قادام ايتارلىقتاي ارانداتۋشىلىق جانە ب ۇ ۇ- نىڭ قارارىن بۇزۋشىلىق بولىپ تابىلادى. ال قاراردىڭ بۇل تارماعى سولتۇستىك كورەيادا بالليستيكالىق راكەتالاردى سىناقتان وتكىزۋگە تىيىم سالادى، دەپ مالىمدەدى وسىعان وراي وڭتۇستىك كورەيا پرەزيدەنتىنىڭ رەسمي وكىلى كيم مين سەك.
سولتۇستىك كورەيانىڭ زىمىراندى بەيبىت ماقساتتا ۇشىرۋدى جوسپارلاعانىنا قاراماستان، ا ق ش پەن وڭتۇستىك كورەيا ءبىرقاتار ەلدەرمەن بىرگە كۇدىكپەن قاراپ وتىر. مۇنى ولار بالليستيكالىق راكەتالاردى سىناقتان وتكىزۋ ءۇشىن پايدالانباقشى دەگەن كۇمان كەلتىرەدى. ا ق ش- تىڭ وداقتاسى جانە سولتۇستىك كورەيانىڭ جاۋى جاپونيا دا سەيسەنبى كۇنى پحەنياننىڭ بالليستيكالىق راكەتانى بەيبىت جانە سوعىس ماقساتتارىندا سىناعانى اراسىنان ەشقانداي ايىرماشىلىقتى كورىپ وتىرماعانىن مالىمدەدى.
ەسكە سالا كەتەيىك، ك ح د ر وزىنە جاسالعان سانكتسيالارعا قارسى ارەكەت رەتىندە 2013-جىلدىڭ اقپان ايىندا يادرولىق قارۋلار سىناعىنىڭ ءۇشىنشى سەرياسىن وتكىزگەن بولاتىن. مۇنىڭ الدىنداعى سىناقتار 2006 جانە 2009-جىلدارى ورىندالدى. ال جاڭا راكەتالاردى اتۋ مەن يادرولىق سىناقتار جاساۋ ەكى كورەيا اراسىنداعى قارىم-قاتىناستا بايقالا باستاعان جىلىمىقتى قايتا سۋىتىپ جىبەرەر ەدى.
بيىلعى تامىز ايىندا تاراپتار شەكارادا ءبىر-بىرلەرىنىڭ تەرريتوريالارىن ارتيللەريادان اتقىلادى. الايدا، سوڭىنان ءوزارا قارىم-قاتىناستى جاقسارتۋ جونىندەگى تاريحي كەلىسىمگە قول قويدى. وسى كەلىسىمگە سايكەس، كەلەسى ايدا ەكى ەل 1950-جىلدارداعى جانجالدان سوڭ شەكارانىڭ ەكى بەتىندە قالىپ قويىپ، ءبىر-بىرلەرىنەن اجىراپ قالعان وتباسىلارىنىڭ كەزدەسۋلەرى ۇيىمداستىرىلاتىن بولادى. ەكى ەلدىڭ ليدەرلەرى سونداي-اق قارىم-قاتىناستى قالىپتى ەتۋدى تالقىلاۋ ءۇشىن بىرنەشە كەزدەسۋ وتكىزۋدى جوسپارلاپ وتىر.
