10:52, 18 - قىركۇيەك 2015 | GMT +5
قازاق- قىتاي شەكاراسىندا جاياۋلاتقان ميلليونەر قولعا ءتۇستى
استانا. قازاقپارات - «قورعاس» شەكارالىق باقىلاۋ وتريادىنىڭ شەكارا ناريادى تەكسەرىپ- وتكىزۋ بەكەتىندە جاسى 70 تەگى قارت ادامنىڭ شەكارادان 4 ميلليوننان استام تەڭگە زاڭسىز الىپ وتپەك بولعانىن انىقتادى،
دەپ حابارلادى ق ر ۇ ق ك ش ق باسپا ءسوز قىزمەتىنەن.
«قورعاس» شەكارالىق باقىلاۋ وتريادىنىڭ شەكارا ناريادى تەكسەرىپ- وتكىزۋ بەكەتىندە (قازاق- قىتاي شەكاراسى) ، ۇستىمىزدەگى جىلدىڭ 15 - قىركۇيەگى كۇنى، ءتۇس اۋا كورشىلەس ەلدەن ءبىزدىڭ ەلگە قاراي جاياۋ ءوتىپ كەلە جاتقان جاسى جەتپىسكە قاراعان (1946 -جىلى تۋعان) ق ح ر ازاماتىن تەكسەرۋ بارىسىندا، اقساقالدىڭ قول جۇگىنىڭ اراسىنا جاسىرىلعان، ءارى جاريالانباعان 4200000 تەڭگە تابىلدى»، دەلىنگەن حابارلامادا.
مەملەكەتتىك شەكارادان زاڭسىز جولمەن قوماقتى قارجى الىپ وتپەك بولعان ميلليونەر قارتپەن ەندىگى جەردە «قورعاس» كەدەن بەكەتىنىڭ ماماندارى جۇمىس ىستەيتىن بولادى.
