اقتاۋ تەڭىز پورتىندا بيىلعى جىلدىڭ استىعى تيەلىپ جاتىر

استانا. قازاقپارات - بۇگىندە كاسپيدەگى اقتاۋ حالىقارالىق تەڭىز پورتىندا ەكىنشى كەمەگە بيىلعى جىلعى استىق تيەلىپ جاتىر.

تۇتىنۋشىلارعا جىبەرىلەتىن بيداي رەسپۋبليكانىڭ نەگىزگى اۋىل شارۋاشىلىعى ونىمدەرىن ءوندىرۋشى وبلىستار اقمولا، قوستاناي، سولتۇستىك قازاقستاندا وسىرىلگەن. استىق اقتاۋ تەڭىز پورتىنداعى «اق بيداي» بيداي تەرمينالىنا جەتكىزىلەدى. ول جەردەن ەكسپورتقا جونەلتىلەدى، دەپ حابارلايدى «ق ت ج» ۇ ك» ا ق باسپا ءسوز قىزمەتى.

«بىزگە بيىلعى جىلدىڭ ەگىنى جوعارى قارقىنمەن كەلىپ جاتىر. ءبىز ولاردى جونەلتۋ كەستەسىن قاتاڭ ساقتاپ، تۇتىنۋشىلارعا دەر كەزىندە جەتكىزىلۋىن قاداعالاپ وتىرمىز»، - دەپ حابارلادى «اقتاۋ حالىقارالىق ساۋدا تەڭىز پورتى» ۇلتتىق كومپانياسى» ا ق پرەزيدەنتى ميحايل يالباچيەۆ.

سونداي- اق كومپانيا باسشىسى بيدايدى وتاندىق قۇرعاق جۇك تاسىمالى «بەكەت اتا» مەن «تۇركىستان» تاسىمالدايتىنىن اتاپ ءوتتى.

اقتاۋ تەڭىز پورتى كاسپي تەڭىزىندەگى ەڭ ءىرى پورتتار قاتارىنا ەنەدى. وعان كاسپيدەگى جۇك اينالىمنىڭ 25-29  پايىزى تيەسىلى.

اۆتور:   رۋسلان عابباسوۆ