09:40, 17 - قىركۇيەك 2015 | GMT +5
قىتايدا شىنىدان جاسالعان ەڭ ۇلكەن كوپىردىڭ قۇرىلىسى اياقتالۋعا جاقىن
استانا. قازاقپارات - قىتايدا ەڭ ۇلكەن شىنى كوپىردىڭ قۇرىلىسى اياقتالۋعا جاقىن. ول ەلدىڭ ورتالىعىنداعى تاۋ تىزبەگىنىڭ ەكى شىڭىن قوسىپ وتىرعان ەڭ ۇزىن جانە ەڭ بيىك كوپىرلەردىڭ ءبىرى بولماق.
نىسان اسپالى كوپىردىڭ ارنايى تەحنولوگياسىمەن سالىنىپ جاتىر، بۇكىل قۇرىلىمى ۇزىندىعى ءۇش ءجۇز مەترلىك بولات ارقانداردان تۇرادى. ساراپشىلار ەكى ءجۇز مەتر بيىكتىككە ىلىنگەن كوپىردىڭ 800 ادامنىڭ سالماعىنا شىداس بەرەتىنىن اتاپ وتەدى.
جوبانىڭ ينجەنەرلەرى كوپىردىڭ تولىق قاۋىپسىز بولاتىنىن ايتىپ وتىر. ءارقايسىسىنىڭ سالماعى 22 كەلىگە جۋىق بولاتىن بارلىق شىنى پانەلدەر ستاندارتتى شىنىعا قاراعاندا 25 ەسە كوپ سالماققا توزە الادى.
جۇمىستاردى اتقارىپ وتىرعان كورپوراتسيا قازان ايىندا كوپىردەن ءبىرىنشى كەلۋشىلەردىڭ سەرۋەندەي الاتىنىنا سەندىرۋدە.
