21:08, 16 - قىركۇيەك 2015 | GMT +5
ن. نازاربايەۆ: ءوزارا ينۆەستيتسيا سالاسىنداعى ىنتىماقتاستىقتى دامىتۋ قاجەت
استانا. قازاقپارات - قازاقستان مەن رەسەي اراسىندا ءوزارا ينۆەستيتسيا سالاسىنداعى ىنتىماقتاستىقتى دامىتۋ قاجەت.
مۇنداي پىكىردى بۇگىن سوچيدە قازاقستان مەن رەسەيدىڭ XII ءوڭىرارالىق ىنتىماقتاستىق فورۋمىنىڭ جالپى وتىرىسى بارىسىندا ق ر پرەزيدەنتى نۇرسۇلتان نازاربايەۆ ءبىلدىردى.
قازاقستان پرەزيدەنتىنىڭ اتاپ وتۋىنشە، ءوزارا ينۆەستيتسيا سالاسىنداعى ىنتىماقتاستىقتى دامىتىپ، ترانسشەكارالىق بىرلەسكەن كاسىپورىندار قۇرۋ، وندىرىستىك تىزبەك قالىپتاستىرۋ، ساپالى كولىكتىك- لوگيستيكالىق ينفراقۇرىلىم قالىپتاستىرۋ قاجەت.
وسى ورايدا ەلباسى قازاقستان جەرى ارقىلى وتەتىن «باتىس ەۋروپا - باتىس قىتاي» كولىك ءدالىزىنىڭ الەۋەتى مەن بولاشاعىن باسا اتاپ ءوتتى.
«اتالعان جولدىڭ بويىندا وسىنداي ورتالىقتاردى قۇرۋ ەسەبىنەن بىزدەر اۋىل شارۋاشىلىعى ونىمدەرى تاۋار اينالىمىن ارتتىرا الار ەدىك»، - دەدى مەملەكەت باسشىسى.
اۆتور: مارلان جيەمباي
