قۇرباندىققا ءىرى قارا شالۋعا زاڭمەن تىيىم سالدى
بۇل تىيىم اتالمىش ايماقتا تۇراتىن مۇسىلمان قاۋىمىنىڭ اشۋ- ىزاسىن تۋدىردى.
«بۇل كاشميرلىك مۇسىلمانداردى تاعى ءبىر تەكسەرۋ سياقتى. بىزدەر ءوز قۇقىعىمىز ءۇشىن قانشاما ونجىلدىقتار بويى كۇرەسىپ كەلەمىز» ، - دەدى ەسىمىن ايتپاۋدى ءجون ساناعان جاس جىگىت OnIslam.net اقپارات ورتالىعىنا بەرگەن سۇحباتتا.
«كاشميرلكتەر داعدارىس جىلدارى ءتۇرلى سىناقتاردى باسىنان كەشىردى. قۇرباندىققا سيىر شالۋعا تىيىم سالعانى - بۇل دا ءبىر سىناق. ءبىراق، كاشميرلىك مۇسىلماندار بۇنى قابىلدامايدى جانە اياعىنا دەيىن كۇرەسەدى» ، - دەيدى كاشمير تۇرعىندارىنىڭ ءبىرى مۋحامماد ايۋب مير.
ءۇندى ەلىندە زەڭگى بابا ۇرپاعىن ساۋدالاۋعا جانە ەتىن تۇتىنۋعا سالعان تىيىم ەرتە زامانداردا بولعان ەدى. الايدا، اتالمىش تىيىمنىڭ ورىندالىپ جاتقان- جاتپاعانىنا ەشكىم كوڭىل دە بولمەيتىن. ىلىك ىزدەگەن يندۋس سوتتار قۇربان ايت مەرەكەسىنە ساناۋلى كۇندەر قالعاندا سول زاڭدى كۇشىنە ەنگىزىپ، بۇزۋشىلاردى قاتاڭ جازا كۇتىپ تۇرعانىن ايتادى.
كاشمير شتاتىنىڭ باس ءمۇفتيى باشيرۋددين اتالمىش تىيىم جايلى ءوز پىكىرىن ءبىلدىرىپ، بۇل مەملەكەتتىڭ دىنگە نەگىزسىز ارالاسۋى دەپ اتادى.
