18:04, 16 - قىركۇيەك 2015 | GMT +5
ا ق ش- تىڭ مەملەكەتتىك حاتشىسى دجون كەرري الماتى الماسىنا تاڭدانىس ءبىلدىردى
استانا. قازاقپارات - ا ق ش مەملەكەتتىك حاتشىسى دجون كەرري 10 -قىركۇيەكتە ا ق ش مەملەكەتتىك دەپارتامەنتىندە وتكەن قولونەرشىلەردىڭ ەكونوميكالىق فورۋمىندا الماتى اپورتىنا دەگەن تاڭدانىسىن جاسىرا المادى.
«بۇل المانى مەن جاڭا عانا الدىم. بۇل قازاقستاننان كەلگەن كادەسىي، دالىرەك ايتساق الماتىدان. ول جەرگىلىكتى كيىزدەن باستىرىلىپتى. الماتىدا ءدال وسىنداي ءىرى المالار وسىرىلەدى ەكەن. ءبىزدىڭ جاڭا انگليادا بولسا، بيىل الما تىم از شىقتى. سول جاقتان (جاڭا انگليادان) ورالاردا، مەن ول جاقتاعىلارعا ءبىر كەڭەس بەرەتىنىم انىق: «الماتىمەن بىرگە جۇمىس جاساۋدى باستاڭدار، جىگىتتەر!». مىنا الما شىنىمەن وتە ادەمى»، - دەدى تامسانا د. كەرري.
كيىزدەن توقىلعان قىزىل اپورت الماسىن مەملەكەتتىك حاتشىعا فورۋمعا كەلگەن قازاقستاندىق دەلەگاتسيا مۇشەلەرى سىيلاسا كەرەك.
اتالمىش بەينەروليكتى الماتىداعى ا ق ش- تىڭ باس كونسۋلدىعى ءوزىنىڭ فەيسبۋكتەگى پاراقشاسىندا جاريالادى.
اۆتور: جاسۇلان جولدىبايەۆ
