و ق و- دا تاۋىپكە قارالعان بويجەتكەن كەنەتتەن قايتىس بولدى
بۇل جونىندە سارى اعاش قالاسىنىڭ تۇرعىنى رامادان مومىنبەك «زامانا» گازەتىنە حابارلاعان.
«قابىلانبەك اۋىلىندا ءبىر ەمشى كىسى بار دەگەندى بۇرىننان ەستيتىنبىز. جۋىردا سوعان ەمدەلگەن بويجەتكەننىڭ قازا بولىپ، ال ونىڭ ءىنىسىنىڭ اۋىر حالدە اۋداندىق اۋرۋحانانىڭ جانساقتاۋ بولىمىنە جەتكىزىلگەنى تۋرالى ەستىدىك»، - دەيدى قالا تۇرعىنى.
ەمشى گايموريتتەن ەمدەلۋگە بارعان بويجەتكەنگە ءدارى ەككەن ەكەن. ال ىنىسىنە نە ەم كورسەتىلگەنى ازىرگە بەلگىسىز. ءبىراق ەكەۋى ءتاۋىپتىڭ ۇيىنەن شىعىپ، كولىكتەرىمەن ءجۇز مەتردەي جۇرگەندە قىز كەنەتتەن جاعدايى ناشارلاپ، بىردەن ءجانتاسىلىم ەتكەن.
بۇل بويىنشا ءتيىستى جەرلەرگە حابارلانىپ، پوليتسيا قاشپاقشى بولعان ەمشىنى ۇستاپ، ۋاقىتشا قاماۋعا الدى. تۇرعىننىڭ ايتۋىنشا، قىزدىڭ جانازاسى شىعارىلىپ جاتقاندا ءتاۋىپتىڭ ايەلى قارالى ۇيگە بارىپ، ايقاي شىعارعان.
«سوڭعى كەزدەرى سارى اعاش جاقتا وسىنداي ەمشىلەر كوبەيدى. سولاردى تەكسەرىپ، جونگە سالاتىن قۇزىرلى ورىن بار ما ەكەن؟»، - دەيدى رامادان مومىنبەك.
قابىلانبەك اۋىلدىق وكرۋگىنىڭ اكىمى قانات تۇرسىنبايەۆ بۇل جايتتان حاباردار ەكەنىن ايتتى.
«بۇدان حابارىم بار. ەمشى زەينەتكەرلىككە شىققان بۇرىنعى دارىگەر ەدى. ادام ەمدەۋگە ليتسەنزيا العان. وقيعا تۋرالى ەستىگەسىن مەن بۇل جونىندە پوليتسياعا حابارلادىم. ال ونداعىلار بۇدان قۇلاعدار بولىپ قويعان ەكەن»، - دەيدى اكىم.
اكىمنىڭ ايتۋىنشا، بۇگىندە ەمشى تەرگەلىپ جاتقان كورىنەدى.
«قىزدى قۇتقارۋ مۇمكىن بولمادى. ال ونىڭ ءىنىسى ءۇش- ءتورت كۇن اۋرۋحانادا ەم قابىلداپ شىقتى. بۇگىندە ونىڭ ومىرىنە ەشقانداي قاۋىپ جوق. ازاماتتاردىڭ ءسال نارسەگە بولا ەمشىگە جۇگىرەتىنى جامان. ول ەمشى كىم، بىلىكتىلىگى قانداي، بۇل سۇراق سىرقاتتاردى قىزىقتىرمايتىنى وكىنىشتى. دارىگەرلەر بار عوي، بىزگە ۋاقتىلى كەلسە ەمدەلمەيتىن سىرقات جوق»، - دەيدى سارى اعاش اۋداندىق اۋرۋحاناسىنىڭ باس دارىگەرى بەكبوسىن تاشەنوۆ.
دەرەككوز: www.nur.kz
