ب ۇ ۇ الەمدىك ساياساتتاعى وزەكتى پروبلەمالاردى بىرلەسىپ شەشۋ ءۇشىن ورتاق تۇعىرناما بولىپ قالۋى ءتيىس - ق. توقايەۆ
مۇنداي پىكىردى تاسس اقپارات اگەنتتىگىنە سۇحبات بەرگەن ق ر پارلامەنتى سەناتىنىڭ ءتوراعاسى قاسىم-جومارت توقايەۆ ءبىلدىردى.
«ب ۇ ۇ تۋرالى ايتقان كەزدە ءبىز وركەنيەتتى الەمدىك قوعامداستىق دەپ تۇسىنەمىز. «20 -عاسىرداعى ادامزاتتىڭ ەڭ ۇزدىك تابىسى» رەتىندە ۇيىم الداعى ۋاقىتتا دا الەمدىك ساياساتتىڭ وزەكتى پروبلەمالارىن بىرلەسىپ شەشۋ ءۇشىن ورتاق تۇعىرنامانى ەسكە ءتۇسىرۋ قاجەت. ەگەر، ناقتى سىن- قاتەرلەر جايىندا ايتار بولساق، ۇلتتار قوعامداستىعى يادرولىق قارۋدىڭ سىرعۋ پروتسەسسىن توقتاتۋى ءتيىس. بۇل ماسەلە ومىرلىك ماڭىزعا يە. باسقا سىن- قاتەرلەر كەشەندى نەگىزگە يە. بۇل ترانسۇلتتىق سىن- قاتەرلەردىڭ قاۋىپتى اۋقىمى»، - دەدى ق. توقايەۆ.
سەنات ءتوراعاسى اڭگىمە ءتۇرلى ەلدەردىڭ دامۋىنداعى كۇرت تەڭگەرىمسىزدىك، اۋقىمدى زاڭسىز كوشى-قون، كليماتتىڭ وزگەرىسكە ۇشىراۋى، ترانسشەكارالىق سۋ قويمالارىنىڭ، اۋا مەن توپىراقتىڭ لاستانۋى، ىندەت، كيبەرقىلمىس، ەسىرتكى تاسىمالى جانە ادام ساۋداسى توڭىرەگىندە بولىپ وتىرعانىن باسا ايتتى.
ق. توقايەۆتىڭ سوزىنە قاراعاندا، بۇگىنگى تاڭدا بايقالىپ وتىرعان زورلىق- زومبىلىققا بەيىم ۇيىمداردىڭ، ونىڭ ىشىندە «يسلام مەملەكەتى» توبىنىڭ جانە يسلام اتىنان جامىلعان باسقا دا لاڭكەستىك توپتاردىڭ شوعىرلانا ءتۇسۋىنىڭ قاۋپى دە ءجىتى نازار اۋدارۋدى قاجەت ەتەدى. ب ۇ ۇ بۇل زۇلىمدىقپەن كۇرەستە بارلىق مەملەكەتتەردىڭ كۇش- جىگەرىن شوعىرلاندىرۋى قاجەت.
سۇحبات بارىسىندا ق. توقايەۆ ب ۇ ۇ باس حاتشىسىنىڭ ورىنباسارى، ب ۇ ۇ- نىڭ جەنەۆا بولىمشەسىنىڭ باس ديرەكتورى، ب ۇ ۇ باس حاتشىسىنىڭ جەكە وكىلى، قارۋسىزدانۋ جونىندەگى كونفەرەنسيانىڭ باس حاتشىسى بولىپ تۇرعان كەزدەگى ءبىرقاتار ماڭىزدى وقيعالاردى اتاپ ءوتتى.
ق. توقايەۆ باتىس پەن رەسەيدىڭ سانكتسيالىق تەكە-تىرەسىنە قاتىستى ءوزىنىڭ تەرىس قارىم- قاتىناسىن باسا ايتا كەلە ونى «ب ۇ ۇ اياسىنان شىعىپ كەتكەن تۇبەگەيلى باسقا جايت» دەپ مالىمدەدى. ونىڭ پايىمىنشا، سانكسيالىق سوعىس الەمدەگى ساياسي جانە ەكونوميكالىق احۋالعا بارىنشا تەرىس ىقپال ەتەدى. ويتكەنى، وعان ءىس جۇزىندە ب ۇ ۇ قاۋىپسىزدىك كەڭەسىنىڭ بارلىق تۇراقتى مۇشەلەرىنىڭ قاتىسى بار. قازاقستان جاھاندىق جانجالعا قاتىسى جوق ەلدەر مەن حالىقتار زارداپ شەگەتىن سانكسيالىق ديپلوماتياعا تۇبەگەيلى قارسى.
اۆتور: مارلان جيەمباي
