ەلوردا مەكتەپتەرىندە دوستىق ساباعى وتەدى
اتالمىش شارا ق. ساتبايەۆ كوشەسىندە ورنالاسقان № 4 -بالالار كىتاپحاناسىندا وتەدى. شاراعا № 28 -ورتا مەكتەپتىڭ 6-7 -سىنىپ وقۋشىلارى قاتىسادى، دەپ حابارلادى astana.gov.kz.
ساباقتىڭ ماقساتى بالالاردى وتانسۇيگىشتىككە تاربيەلەۋ، بىرلىككە، ەل تاريحىن زەرتتەۋگە، ەلىمىزدە تۇراتىن وزگە ۇلت وكىلدەرىنىڭ مادەنيەتىمەن تانىسۋعا شاقىرۋ بولىپ تابىلادى.
ساباق بارىسىندا قازاقستاندا تۇراتىن باسقا ۇلت وكىلدەرى تۋرالى جانە قازاقستان حالقى اسسامبلەياسىنىڭ قوعامداعى ماڭىزدىلىعى جايلى ايتىلادى. ساباققا ەۆرەي مادەني ورتالىعى ءتوراعاسىنىڭ ورىنباسارى قاتىسىپ، وقۋشىلارعا ەۆرەي حالقىنىڭ سالت-ءداستۇرى مەن مادەنيەتىن تانىستىرادى. سونداي- اق كىتاپحانا قىزمەتكەرلەرىمەن «ءبىزدىڭ كۇشىمىز - بىرلىكتە!» اتتى كىتاپ كورمەسى ۇيىمداستىرىلادى.
قوناقتارعا قازاقستاندا تۇراتىن وزگە ۇلت وكىلدەرى، ولاردىڭ سالت-داستۇرلەرى جايلى كىتاپ، گازەت- جۋرنال باسىلىمدارى ۇسىنىلادى.
