ەڭ تابىستى ماماندىقتار
اقشانىڭ كوكتەن جاۋمايتىندىعىن دا جاقسى بىلەسىز. باي بولامىن، تابىسقا جەتەمىن دەسەڭىز بەلگىلى ءبىر كاسىپتىڭ قوجايىنى بولۋ كەرەك ەكەندىگىڭىز تاعى بار. بۇگىنگى جازبامىز دا ءدال وسىنداي، تابىسپەن تابىستىرار ماماندىقتار تۋرالى بولماق.
1776 -جىلى ادام سميت ءوزىنىڭ «حالىقتاردىڭ تابيعاتى مەن بايۋ سەبەبى جايلى زەرتتەۋ» اتتى كلاسسيكالىق تۋىندىسىندا: «الەمدەگى ەڭ قاۋىپتى جانە تاۋەكەلدى تالاپ ەتەتىن، سولاي بولا تۇرعانمەن ەڭ تابىستى ماماندىق - بۇقپا ساۋداگەر (كونترابانديست). ءبىر ساتتە بايىپ شىعا كەلۋىڭىز نەمەسە تاقىر كەدەي اتانۋىڭىز مۇمكىن» دەپ جازعان ەكەن.
ال قازىر شە؟ قازىرگى زامانعى ماماندىقتار قانداي كۇيدە؟ نازار اۋدارىڭىز!
10-ورىن. قولايسىز ماماندىق رەتىندە زەرگەرلىكتى اتاۋعا بولادى. ارينە، اشەكەي بۇيىمداردىڭ باعاسى وتە قىمبات ەكەندىگىن جوققا شىعارمايمىز. ونى جاساۋعا كەتەتىن ماتەريالدار دا سونشالىقتى قىمبات بولعاندىقتان بايىپ كەتۋىڭىز ەكى تالاي دەر ەدىك.
9-ورىن. كەيدە قاساپشىلاردىڭ قالتاسىنىڭ قالىندىعىنا قاراپ اۋزىمىزدىڭ سۋى قۇرىپ جاتادى. اسىقپاڭىز! ادامدار كۇنىگە بيفشتەكس ءۇشىن ايتارلىقتاي قارجى جۇمسايتىن شىعار، ءبىراق قاساپشىلار دا ەتتى قولعا ءتۇسىرۋ ءۇشىن ەلەۋلى قارجى جۇمسايدى.
8-ورىن. زاڭگەر! ايتىڭىزشى، ومىرىڭىزدە ءبىر رەت بولسىن زاڭگەر بولسام - باي بولامىن دەگەن ويعا جولاپ كورمەدىم دەڭىزشى؟! قاتەلەسەسىز. زاڭگەر بولۋ ءۇشىن كوپ ەڭبەكتەنۋىڭىز كەرەك، ءبىراق ءبىزدىڭ ەلدە ءسىزدى قاناعاتتاندىراتىن باعانى تولەي الاتىن تۇرعىنداردىڭ جوق ەكەندىگىن، قازىر ەلىمىزدە ەكىنىڭ ءبىرى وسى ماماندىق يەگەرى ەكەندىگىن ەستەن شىعارىپ الدىڭىز. قازاقستاندىق قۇقىق زەرتتەۋشىسى ءۇشىن ورتاشا ەڭبەكاقى - 123704 تەڭگە، وتە جاقسى مامان ءۇشىن - 519557 تەڭگە. HR- زەرتتەۋلەرگە سايكەس، بۇل سالادا از دا بولسا، ءوسۋ بايقالادى. ءبىراق، ا ق ش- تا ادۆوكات ساعاتىنا $50- دان $600- عا دەيىن الادى. سوندىقتان، شەتەلدە زاڭگەر بولام دەسەڭىز ءبىر بولەك اڭگىمە.
7-ورىن. شەتەلدەگى كەڭەسشىلەر (كونسۋلتانت) ساعاتىنا $100-200، ديزاينەرلەر $20-70 تابادى. ەسكەرىڭىز، كەڭەسشى - ساۋدا ورتالىقتارىندا «سىزگە كومەك كەرەك پە؟» دەپ جابىساتىن كىسى ەمەس. كەڭەسشى - كەز كەلگەن جاعدايدا ءتيىمدى كەڭەستەر ۇسىنا الاتىن بەلگىلى ءبىر سالانىڭ بىلگىر مامانى.
6-ورىن. دەپۋتاتتىققا نەمەسە پرەزيدەنتتىككە كانديداتتاردىڭ سايلاۋ الدى ناۋقانىن جۇرگىزۋگە ارنالعان شتابتاردىڭ الدىڭعى قاتارلى ساياساتتانۋشىسى بولساڭىز وتە قولايلى بولماق. سونداي- اق، جەكە پسيحولوگ بولۋدىڭ دا تيىمدىلىگى جوق ەمەس.
5-ورىن. كەلەسى ءبىر اۋقىمدى جالاقى الاتىندار - اقپاراتتىق تەحنولوگيالار جانە تەلەكوممۋنيكاتسيالار سالاسىنىڭ ماماندارى ەكەن. سالا بويىنشا ورتاشا ەڭبەكاقى - 118755 تەڭگە، جوعارى - 504659 تەڭگە. مۇناي-گاز سالالارىنىڭ ماماندارى ءۇشىن ورتاشا ءبىر ايلىق ەڭبەكاقى - 197926 تەڭگە، ال جوعارىسى - 3281643 تەڭگە.
4-ورىن. شوۋ- بيزنەس الەمىندە پروديۋسەر بولۋدىڭ دا پايداسى جوق ەمەس. ول ءۇشىن سىزدە جۇمىس تاجىريبەسى جانە تانىستارىڭىز كوپ بولۋى كەرەك. ەكەۋىنەن ماقۇرىم بولساڭىز اقشا تۋرالى ارمانداماي- اق قويىڭىز.
3-ورىن. باعدارلاما جاساۋشىلار، ادمينستراتورلار، قارجى سالاسىنىڭ كەڭەسشىلەرى، ينجەنەرلەر، بايلانىس قىزمەتكەرلەرى دە جامان تابىس تاپپايدى. ال ماركەتينگ، جارناما جانە PR بويىنشا مامانداردىڭ ەڭبەكاقىلارىنىڭ ورتاشا دەڭگەيى - 108857 تەڭگە، جوعارى - 716656 تەڭگە.
2-ورىن. ساۋدا- ونەركاسىپتىك حولدينگتىڭ باس ديرەكتورى نەمەسە قارجى ديرەكتورى بولساڭىز جامان تابىسقا كەنەلمەيسىز. كاسىبىڭىز مۇناي جانە فارماكولوگيا سالاسىنا قاتىستى بولسا تىپتەن جاقسى.
1-ورىن. ال الەمدەگى ەڭ باي ادامداردىڭ تىزىمىندە كوشباسشىلىق تانىتىپ تۇرعان - جەكە فيرما باسشىلارى ەكەندىگىنە تاڭىرقامايسىز دەپ ويلايمىن.
ال ءسىزدىڭ ماماندىعىڭىز قانداي؟
massaget.kz
