ادامنىڭ كوز جاسى دەنساۋلىققا پايدالى

استانا. قازاقپارات - وسى كۇنگە دەيىن كۇلكىنىڭ پايداسى تۋرالى كوپ ايتىلىپ كەلدى.

ال جىلاۋ تۋرالى مۇلدەم كەرەعار پىكىر ايتىلاتىن.

عالىمداردىڭ ايتۋىنشا، كۇلگەن كەزدە يممۋنيتەتىمىز نىعايىپ، جىلاعان كەزدە دەنساۋلىعىمىز مىقتى بولا تۇسەدى ەكەن. ۇلى بريتانيا مەن ا ق ش عالىمدارى ادامنىڭ كوز جاسىنا بايلانىستى اۋقىمدى زەرتتەۋ جۇرگىزدى.

ميننەسوتا شتاتى مەن بريتانيالىق لانكاستەر ۋنيۆەرسيتەتىنىڭ عالىمدارى ادامنىڭ كوز جاسىنىڭ دەنساۋلىققا پايدالى ەكەنىن انىقتادى. بار ماسەلە قانشالىقتى كوپ جىلايتىنىمىزعا بايلانىستى ەكەن.

ميننەسوتا ۋنيۆەرسيتەتىنىڭ ماماندارى از ۋاقىت جىلاعان ادامداردىڭ %88,8 ىنىڭ كوڭىل- كۇيى مەن دەنساۋلىعى جاقسارعاندىعىنا كوز جەتكىزگەن. جىلاۋ ارقىلى ادام كۇيزەلىستەن ارىلادى. ەگەر جاستى سىرتقا شىعارماسا، اعزادا جۇرەك تالماسىن بولدىراتىن زاتتار ءبولىنىپ شىعادى. ادەتتە جىلاعان سوڭ كۇيزەلىس گورمونى كورتيزولدىڭ دەڭگەيى تومەندەيدى.

تاجىريبە جۇرگىزۋشى پروفەسسور ۋيلليام فرەيدتىڭ ايتۋىنشا، كوزدەن شىعاتىن جاستىڭ بىرنەشە ءتۇرى بار. ەموتسيالىق، فيزيكالىق جانە ت. ب. العاشقىسىنىڭ حيميالىق قۇرامى ەكىنشىسىنەن وزگەشە. ويتكەنى ەكىنشى ءتۇرى ءتانىمىز اۋىرعان كەزدە شىعادى. ەموتسيالىق كوز جاستىڭ ارقاسىندا ارتەريالىق قىسىم رەتكە كەلەدى.

بريتانيالىق ماماندار جاستىڭ ادامنىڭ پسيحولوگيالىق دەنساۋلىعىنا تيگىزەر پايداسى زور ەكەنىنە نازار اۋدارعان. لانكاستەر ۋنيۆەرسيتەتىندەگى زەرتتەۋدىڭ جەتەكشىسى بولعان كەري كۋپەر دۇرىس جىلاي ءبىلۋ كەرەكتىگىن ايتادى.

كوپ ادام السىزدىگىن جاسىرۋ ءۇشىن جىلامايدى. تەك باسىنا تۇسكەن قيىندىققا وزگەلەردىڭ نازارىن اۋدارتۋ ءۇشىن جىلايدى. ەگەر مۇنداي ماقساتىڭىز بولماسا، تازا اۋادا جالعىز قالىپ جىلاعان ءجون. تەرەڭ تىنىس الۋدىڭ ارقاسىندا ويىمىز جيناقتالىپ، ءاربىر ىسىمىزگە دۇرىس باعا بەرەمىز.

 

massaget.kz