ىزدەۋدە جۇرگەن جازاسىن وتەۋشى اتىراۋداعى مونشالاردىڭ بىرىندە ۇستالدى
«2014 -جىلعى قاراشادا پروباتسيا قىزمەتىندە ەسەپتە تۇرعان سوتتالۋشىلاردىڭ ءبىرى جازاسىن وتەۋدەن جالتارعان. ول مەملەكەتتىك مۇلىكتى ۇرلاعانى ءۇشىن سىناق مەرزىمىمەن ەكى جىلعا شارتتى تۇردە سوتتالعان. تاراز ق. قىلمىستىق اتقارۋ جۇيەسى قىزمەتكەرلەرىنىڭ تىڭعىلىقتى ارەكەتىنىڭ ارقاسىندا وتكەن جىلعى كۇزدەن باستاپ ىزدەستىرىلۋدە جۇرگەن «قاشقىننىڭ» تۇرعىلىقتى جەرى انىقتالدى.
بۇگىن ق ا ج قىزمەتكەرلەرى ءى ءى د كريمينالدىق پوليتسياداعى ارىپتەستەرىمەن بىرلەسىپ اتىراۋ ق. مونشالارىنىڭ بىرىندە 35 جاستاعى جازاسىن وتەۋشىنى ۇستادى»، - دەپ اتاپ ءوتتى جامبىل وبلىسى ق ا ج دەپارتامەنتىنىڭ باستىعى د. راحىمبەرديەۆ.
«كەشە تاراز ق. ءى ءى ب كريمينالدىق پوليتسيا قىزمەتكەرلەرى ق ا ج جاردەمىمەن پروباتسيا قىزمەتىندە ەسەپتە تۇرعان تاعى ءبىر جازاسىن وتەۋشىنى قولعا ءتۇسىردى. وتكەن جىلعى شىلدەدەن باستاپ سوت قاۋلىسىمەن ءۇش جىلعا باس بوستاندىعىنان ايىرىلعان جامبىل وبلىسىنىڭ تۇرعىنىنا جازاسىن وتەۋدەن جالتارعانى ءۇشىن ىزدەۋ جاريالانعان»، - دەپ قوستى د. راحىمبەرديەۆ.
