الماتىدا قىتاي حالىق بانكىنىڭ دەلەگاتسياسى ق ر ۇلتتىق بانكىنىڭ جانە قازاقستان قور بيرجاسى وكىلدەرىمەن كەزدەستى

الماتى. قازاقپارات - الماتىدا ق ح ر حالىق بانكىنىڭ دەلەگاتسياسى ق ر ۇلتتىق بانكىنىڭ جانە قازاقستان قور بيرجاسى وكىلدەرىمەن كەزدەستى. بۇل تۋرالى ق ر ۇلتتىق بانكىنىڭ باسپا ءسوز قىزمەتىنەن حابارلادى.

جۇزدەسۋ بارىسىندا بىرنەشە سالا بويىنشا ءوزارا ىنتىماقتاسۋ ماسەلەلەرى تالقىلاندى. ولاردىڭ ىشىندە قازاقستاندا ۆاليۋتانى رەتتەۋ، قازاقستان مەن قىتاي اراسىندا قولما- قول اقشا اينالىمى، قازاقستاننىڭ ۇلتتىق بانكى مەن قىتاي حالىق بانكى اراسىندا اقپارات الماسۋ ماسەلەلەرىن اتاۋعا بولادى.

 ودان باسقا، ەكى ەل اراسىندا تولەم جۇيەسى مەن ءوزارا ەسەپ ايىرىسۋدى دامىتۋ جايى قوزعالدى. سونداي- اق، قازاقستان قور بيرجاسىندا يۋان/تەڭگە، باعالى قاعازدار جانە باسقا دا قارجى قۇرالدارىنىڭ ساۋداسى جونىندە تالقىلاندى.

اڭگىمەلەسۋ كەزىندەا قىتاي حالىق بانكى شىنجاڭ فيليالىنىڭ پرەزيدەنتى گو تسزيانۆەي مەن قىتاي حالىق بانكى مونەتارلىق ساياسات دەپارتامەنتى باس ديرەكتورىنىڭ ورىنباسارى چجوۋ چەنتسزيۋن قازاقستاننىڭ ۇلتتىق بانكى مەن قىتاي حالىق بانكى ارسىنداعى ىنتىماقتاستىقتى ودان ءارى دامىتۋعا نەگىز بار ەكەندىگىن اتاپ ءوتتى.

 «بۇل ىنتىماقتاستىق ەكى ەل ءۇشىن ستراتەگيالىق ماڭىزعا يە. ونىڭ دامۋىنا تاياۋدا قازاقستان پرەزيدەنتىنىڭ قىتاي حالىق رەسپۋبليكاسىنا جاساعان مەملەكەتتىك ساپارى وڭ اسەر ەتتى. سول كەزدە قول قويىلعان كەلىسىمدەر قىتايلىق جانە قازاقستاندىق كومپانيالار ءۇشىن وتە ماڭىزدى» ، - دەستى قوناقتار.

گو تسزيانۆەيدىڭ ايتۋىنشا، ەكى ەل اراسىنداعى تاۋار اينالىمى كولەمىنىڭ ءوسۋى ەسەپ ايىرىسۋ وپەراتسيالارىنا ۇلتتىق ۆاليۋتلاردى، ينۆەستيتسيانى قولدانۋعا مۇمكىندىك بەرەدى.

«وتكەن جىلى، ءبىز شەكارا ماڭىندا ساۋدا جۇرگىزۋ بويىنشا ەسەپ ايىرىسۋ وپەراتسيالارى تۋرالى كەلىسىمگە قول قويدىق. قازاقستان قور بيرجاسىندا يۋان- تەنگە جۇبىنىڭ ساۋداسى اشىلدى. بۇل قازاقستاندىق جانە قىتايلىق كومپانيالاردىڭ ءوزارا ىنتىماقتاسۋىنا جول اشادى. ونىڭ ۇستىنە ءقازىر قازاقستان مەن قىتايدىڭ ينۆەستيتسيالىق كومپانيالارىنا دوللار ەمەس، يۋان نەمەسە تەڭگەنى قولدانعان قولايلى. سونداي- اق، ەكى ەلدىڭ ورتالىق بانكتەرى اراسىندا ۆاليۋتالىق سۆوپ بويىنشا ورتاق كەلىسىمگە قول قويىلعان. ياعني، ەگەر ءبىزدىڭ ەلدەرىمىزدە يۋان نەمەسە تەڭگە جەتكىلىكسىز بولسا، وندا ۇلتتىق ۆاليۋتانى قاجەتتى مولشەردە الۋ ءۇشىن ءبىز ءبىر- بىرىمزگە ءوتىنىم بەرە الامىز» ، - دەدى گو تسزيانۆەي.

ودان باسقا، كەزدەسۋ بارىسىندا قىتاي حالىق بانكىنىڭ وكىلدەرى «استانا» حالىقارالىق قارجى ورتالىعى جوباسىنىڭ ماڭىزدىلىعىن اتاپ ءوتتى.

 «ق ر ۇلتتىق بانكىنىڭ بۇل ورتالىقتى دامىتۋعا بارلىق رەسۋرستارى جەتەدى. جانە ەڭ باستىسى، مۇنى قازاقستان پرەزيدەنتى قولداپ وتىر. سوندىقتان بىزە سىزدەرگە تابىستار تىلەيمىز» ، - دەدى قىتاي حالىق بانكى مونەتارلىق ساياساتى دەپارتامەنتى باس ديرەكتورىنىڭ ورىنباسارى چجوۋ چەنتسزيۋن.

  تاراپتار الداعى ۋاقىتتا دا وسىنداي كەزەدسۋلەر وتكىزۋدىڭ ماڭىزدى ەكەندىگىن اتاپ ءوتتى.

 
  اۆتور: جاپپاربەرگەن ايبوتا