گەرمانيادا سىرتىندا ءانشى ءمادينا ءسادۋاقاسوۆانىڭ فوتوسى بار تۇشپارا ساتىلادى

الماتى. قازاقپارات - تانىمال قازاقستاندىق ءانشى جانە تەلەجۇرگىزۋشى ءمادينا ءسادۋاقاسوۆانىڭ فوتوسۋرەتى گەرمانيادا شىعارىلاتىن تۇشپارا وراۋىشىنا ورنالاستىرىلعان.

بۇل تۋرالى ءانشى ينستاگرامداعى جەكە پاراقشاسىندا حابارلادى.

«گەرمانيادا قازاقستاندىق تۇشپارانى جارنامالايدى ەكەنمىن. ەندى، مىنە، نە ىستەيتىنىمدى ويلاپ وتىرمىن...»، - دەپ جازدى ءانشى رەسمي اككاۋنتىندا.

ءانشىنىڭ ونەرىن سۇيۋشىلەر بولسا، ەكى جاققا ءبولىندى. بىرەۋلەرى بۇل زاڭسىز ەكەنىن ايتىپ، انشىگە ونى زاڭ جولىمەن شەشۋگە كەڭەس بەرسە، باسقالارىنا ءانشىنىڭ سۋرەتى ۇناپ، ونىڭ سول ارقىلى ءبىزدىڭ ەلىمىزدىڭ شەتەلدە تانىلۋىنا سەپتىگىن تيگىزىپ وتىرعانىن ايتىپ جاتىر.