دوللار باعامى بۇگىن تاعى ءوستى

استانا. قازاقپارات - KASE قور بيرجاسىنىڭ 14 -قىركۇيەك كۇنگى تاڭعى سەسسياسىندا دوللار باعامى 273,55 تەڭگەگە دەيىن ءوستى.

شەتەل ۆاليۋتاسى كەزەكتى رەكوردىن جاڭارتىپ وتىر. بۇعان دەيىنگى رەكورد 11 -قىركۇيەكتىڭ كەشكى سەسسيادا جاڭارعان ەدى. سول ۋاقىتتا ءبىر دوللار 264,2 تەڭگەگە باعالانعان ەدى.

ايتا كەتەيىك، 10 -قىركۇيەك كۇنگى KASE كەشكى سەسسياسىندا دوللار باعامى 255,38 تەڭگەگە دەيىن وسكەن بولاتىن. كەلىسىمنىڭ جالپى كولەمى 15,9 ميلليون دوللار بولدى. ساۋداعا ۆاليۋتا نارىعىنىڭ 14 مۇشەسى قاتىستى. ال 11 -قىركۇيەكتەگى KASE كۇندىزگى سەسسياسىندا دوللار 258,48 تەڭگەگە جەتكەن ەدى.

ەسكە سالا كەتەيىك، بۇعان دەيىن دوللار باعامىنا تۇسىنىك بەرگەن ۇلتتىق بانكتىڭ وكىلدەرى بانكتىڭ ۆاليۋتا نارىعىنداعى جاعدايعا ارالاسپاعانىن مالىمدەدى. ولاردىڭ ايتۋىنشا، شەتەل ۆاليۋتاسى ءۇشىن ەڭ قولايلى باعا 240 تەڭگە شاماسىندا.