قازاقستان قىتايعا استىق ەكسپورتىن ۇلعايتادى - س. وماروۆ

استانا. قازاقپارات - قازاقستان بيىل قىتايعا استىق ەكسپورتىن ۇلعايتادى.

بۇل تۋرالى جۋرناليستەردىڭ سۇراعىنا جاۋاپ بەرە وتىرىپ، اۋىل شارۋاشىلىعى ۆيتسە-ءمينيسترى ساپارحان وماروۆ ايتتى.

«وزدەرىڭىز بىلەسىزدەر، بىلتىر ەكسپورتتالعان استىق كولەمى 7,3 ميلليون توننا بولعان. بيىل دا استىقتى ەكسپورتتاۋ كولەمى وسى شامادا بولادى دەپ جوبالاپ وتىرمىز. استىقتىڭ ەكسپورتقا شىعاتىن تاراپتارى - ورتا ازيا مەملەكەتتەرى، يران، پاكىستان ەلدەرى. بيىلدان باستاپ، قىتاي مەملەكەتىنە ەكسپورتتايتىن استىق كولەمىن ۇلعايتامىز دەگەن جوسپار بار»، - دەدى ول.

بۇعان دەيىن ايتقانىمىزداي، بيىل باستىرىلاتىن استىقتىڭ تازا سالماعى 17,3 ميلليون توننانى قۇرايدى دەگەن بولجام بار.

«قازعارىش» - پەن بىرگە استىقتىڭ شىعۋ جاعدايىنا عارىشتان مونيتورينگ جاساپ وتىرامىز. سول مونيتورينگتىڭ بەرگەن العاشقى دەرەگىنە سۇيەنسەك، استىقتىڭ تازالانعاننان كەيىنگى تازا سالماعى 17,3 ملن توننانى قۇرايدى دەپ جوسپارلاپ وتىرمىز»، - دەپ تولىقتىردى س. وماروۆ.

اۆتور: كەنجەكەي توقتامۇرات قىزى