17:44, 15 - قىركۇيەك 2015 | GMT +5
ۆەنگريانىڭ ەكى ايماعىندا ميگرانتتار اعىنى سالدارىنان توتەنشە جاعداي ەنگىزىلگەن
استانا. قازاقپارات - ۆەنگريا بيلىگى ەلدىڭ وڭتۇستىگىندەگى ەكى ايماقتا ەلگە سەربيا اۋماعى ارقىلى ءوتىپ جاتقان تاياۋ شىعىس ميگرانتتارى سانىنىڭ كۇرت كوبەيۋىنە بايلانىستى توتەنشە جاعداي ەنگىزدى.
ۆەنگريا ۇكىمەتىنىڭ رەسمي وكىلى پوليتسيا سول ارقىلى زاڭسىز كوشى- قونعا قارسى كۇرەستە قوسىمشا وكىلەتتىلىك الىپ، سونداي- اق اسكەردەن كومەك سۇراي الاتىنىن ءتۇسىندىردى، دەپ حابارلايدى BBC.
ءوز كەزەگىندە پوليتسيا شەكارادان قورشاۋداعى تەسىكتەر ارقىلى زاڭسىز وتپەكشى بولىپ جۇرگەن ميگرانتتاردى ۇستاۋعا كىرىسكەنىن مالىمدەپ وتىر.
بۇعان دەيىن سەيسەنبى كۇنى ۆەنگريا بيلىگى كوشى- قون زاڭناماسىنا بوسقىنداردىڭ ەلدە پانا الۋىنا قۇقىقتارىن شەكتەيتىن وزگەرىستەردى بەكىتتى. ەندى سەربيادان كەلگەن ميگرانتتاردىڭ وتىنىشتەرى قاراستىرىلمايدى.
