جاپونيادا اسو جانارتاۋىنان كۇل اتقىلادى

 استانا. قازاقپارات - جاپونيانىڭ كيۋسيۋ ارالىندا ورنالاسقان اسو جانارتاۋى دۇيسەنبىدە ءتۇتىندى كۇل اتقىلادى، دەپ حابارلادى «بي-بي-سي» اگەنتتىگى.

 ءدال سول كەزدە اسپالى جولدا 10 عا جۋىق تۋريست بولعان، ولاردىڭ بارلىعى ەۆاكۋاتسيالانىپ ۇلگەردى.

سوڭعى رەت جانارتاۋ ءبىر جىل بۇرىن ويانعان. ول كەزدە كۇل مەن وت 1,5 شاقىرىمعا كوتەرىلگەن. تاياۋ ورنالاسقان كۋماموتو اۋەجايىندا ونداعان رەيستەر كەيىنگە شەگەرىلگەن بولاتىن.

اسو - جاپونياداعى 47 جانارتاۋدىڭ ءبىرى. وتكەن جىلعا دەيىن 20 جىلعا جۋىق جانارتاۋ بەلسەندىلىك تانىتپاعان.

وتكەن جىلى قىركۇيەك سوڭىندا ونتاكە جانارتاۋىنىڭ اتقىلاۋى - سوڭعى 90 جىلداعى ەڭ قۋاتتىلارىنىڭ ءبىرى بولدى. سونىڭ سالدارىنان 63 ادام قازا بولدى.