08:19, 14 - قىركۇيەك 2015 | GMT +5
عالىمدار ەجەلگى الىپ شاياننىڭ قاڭقاسىن تاپتى
استانا. قازاقپارات - ايوۆا شتاتىنىڭ عالىمدارى الىپ شاياننىڭ قاڭقاسىن تاپتى.
يەلسكي ۋنيۆەرسيتەتىنىڭ عالىمدارى شاياننىڭ بۇل ءتۇرى جەردە شامامەن 450 ميلليون جىل بۇرىن ءومىر سۇرگەنىن انىقتادى.
سۇيەككە قاراپ ونىڭ مولشەرى ءبىر جارىم مەتر بولعانىن بايقاۋعا بولادى. سونداي- اق ماماندار شاياننىڭ ون اياعى مەن وتكىر قۇيرىعى بولعانىن اتاپ ءوتتى. عالىمدار قۇيرىقتى قۇربانىن اۋلاۋ ءۇشىن ەمەس، جۇزگەن كەزدە تەپە- تەڭدىكتى ساقتاۋ ءۇشىن پايدالانعانىن ايتادى.
عالىمدار ەجەلگى شايان وكىلدەرىنىڭ 150 دەن استام سۇيەگىن تاپقانىن اتاپ وتكەن ءجون. ەڭ قىزىعى، ولاردىڭ بارلىعى ايوۆا شتاتىندا وزەندەردىڭ بىرىنە جاقىن جەردەن تابىلدى. الىنعان دەرەكتەرگە سايكەس شاياننىڭ بۇل ءتۇرى وتە اگرەسسيۆتى، بىردەن شابۋىلدايتىن بولعان، قازىر ولار جايلى دەرەكتەر وتە از.
