ەلوردادا ق ر پرەمەر-مينيسترىمەن استانا اكىمى قاتىسقان قايىرىمدىلىق مارافونى ءوتتى - فوتو
قازاق- بريتان قوعامى (BKS) وسىمەن بىرنەشە جىل قاتارىنان قايىرىمدىلىق سپورتتىق جارىستارىن وتكىزىپ كەلەدى.
بۇنىڭ الدىندا استانادا، الماتىدا جانە لوندوندا جارتىلاي مارافوندار ۇيىمداستىرىلىپ كەلگەن بولاتىن، ال بيىل تولىققاندى مارافون وتكىزۋ جونىندە شەشىم جاسالدى جانە ونىڭ قاشىقتىعى 42 شاقىرىم 195 مەترگە دەيىن ارتتىرىلدى.
BKS «ەير استانا» مارافونىنا قاتىسۋ ءۇشىن كەمىندە 20 فۋنت ستەرلينگ قايىرىمدىلىق جارنا تولەۋ كەرەك، بۇل شامامەن 7500 تەڭگەگە پارا- پار. ءداستۇر بويىنشا بارلىق قاراجات "ايالا" قايىرىمدىلىق قورىنا باعىتتالادى.
جۇگىرۋگە ق ر پرەمەر-ءمينيسترى كارىم ءماسىموۆ پەن استانا اكىمى ادىلبەك جاقسىبەكوۆ قاتىستى.
«بۇگىنگى جارىسقا قاتىسىپ وتىرعان ءاربىر جان گۋمانيتارلىق شاراعا قاتىسىپ قانا قويماي، ۇلكەن جەڭىسكە قول جەتكىزە الادى. تاڭەرتەڭ ەرتە كەلىپ، مارافونعا قاتىسۋدىڭ ءوزى ۇلكەن جەڭىس. دەنساۋلىقتارىڭىزدىڭ ساۋلىعىنا ۇلكەن اسەرى دە بار. دەندەرىڭىز ساۋ بولسىن، سپورتپەن شۇعىلدانىپ، وسىنداي قايىرىمدىلىق شارالارعا قاتىسىپ وتىرىڭىزدار»، - دەدى ءا. جاقسىبەكوۆ.
اۆتور: جاسۇلان جولدىبايەۆ
