10:03, 13 - قىركۇيەك 2015 | GMT +5
قاربىز ساتۋشى پاۆلودارلىق جىگىت ينتەرنەتتە جۇلدىزعا اينالدى
استانا. قازاقپارات - قاربىز ساتۋشى پاۆلودارلىق جىگىت ينتەرنەتتە جۇلدىزعا اينالدى.
ءىلياس مۇراتوۆ ساۋداسىن دوڭگەلەتۋ ءۇشىن شىعارماشىلىعىن قوسىپتى.
18 جاستاعى ول كۇن سايىن قامزين مەن لوموۆ كوشەلەرىنىڭ قيىلىسىنا كەلىپ، جۇرتتى انمەن ەلىكتىرەدى. ءوزىنىڭ ايتۋىنشا، ءىلياس مۋزىكالىق كوللەدجى تاستاپ كەتىپتى، قازىرگى ۋاقىتتا قارجى- ەكونوميكالىق فاكۋلتەتتە وقيدى. كەيدە ول ءتىپتى تويلارعا دا شىعادى ەكەن.
ونىڭ پىكىرىنشە، شىعارماشىلىعى مەن ساۋدانى ۇيلەستىرگەن ونىڭ تابىسى از ەمەس كورىنەدى. سەبەبى كوشەدەگىلەر ءبىرىنشى كەزەكتە ءانشى ساتۋشىنىڭ ءونىمىن العىسى كەلەدى ەكەن دەپ حابارلايدى Tengrinews.kz.
