02:35, 13 - قىركۇيەك 2015 | GMT +5
قىتايلىق عالىمدار ايدىڭ ارجاق بەتىن زەرتتەمەك
استانا. قازاقپارات - قىتاي عارىشكەرلەرى جەر سەرىگى - ايدىڭ ار جاق بەتىن ءبىرىنشى بولىپ زەرتتەۋگە نيەت ءبىلدىرىپ وتىر.
بۇل تۋرالى بەيجىڭدە عارىشتى زەرتتەۋ فورۋمىن وتكىزۋ كەزىندە قىتاي عىلىم اكادەمياسىنىڭ عالىمى جوۋ يۋنلياو حابارلادى.
ايدى زەرتتەۋدى باستاۋ ءۇشىن «چاڭە» اتتى ءبىرىنشى زوند 2017 -جىلى، ەكىنشىسى 2020 -جىلى جىبەرىلەدى. اتالعان زەرتتەۋدىڭ ارقاسىندا ايدىڭ ەلەكترماگنيتتىك ورتاسىنىڭ بار- جوعىن انىقتاۋعا بولادى.
ايدىڭ ار جاق بەتىن ونىڭ جەردى جانە ءوز كىندىگىنەن اينالۋ ۋاقىتىمەن تۇسپا- تۇس كەلۋىنەن كورۋگە مۇمكىن بولماي وتىرعانىن اتاپ وتەيىك. سول سەبەپتەن ۇزاق ۋاقىت بويى ءتۇرلى داۋلار تۋىنداپ وتىر.
