حالقىمىز ءار ۋاقىتتا «باي تاريحتىڭ يەسىمىز» دەپ ماقتانىپ ءجۇرۋى ءتيىس - ا . ايتالى
بۇل تۋرالى استاناداعى تاۋەلسىزدىك سارايىندا قازاق حاندىعىنىڭ 550 جىلدىق مەرەيتويىنا ارنالعان سالتاناتتى جيىن بارىسىندا تىلشىلەرگە بەرگەن سۇحباتىندا فيلوسوفيا عىلىمدارىنىڭ دوكتورى، پروفەسسور امانگەلدى ايتالى ءمالىم ەتتى.
«قازاق حاندىعىنىڭ 550 جىلدىق مەرەيتويىنىڭ اتاپ ءوتىلۋى جاستار تاربيەسىندە ماڭىزى وتە زور. الەۋمەت تانۋ ىلىمىندە ۇلتتىق جەتىمدىك دەگەن ءسوز بار. تاريحىن بىلمەگەن حالىق - بۇل جەتىم حالىق. بۇگىندە تەگىن بىلمەيتىن ۇلتتار بار. اتاپ ايتقاندا، ءبىزدىڭ عاسىرلار قويناۋىنداعى تاريحىمىزدى ءبىلۋى، ياعني ونى ءار ازاماتتىڭ ءبىلۋى جانە وسى تاريحتىڭ جالعاسىمىز ءارى مۇراگەرىمىز دەپ جاستاردىڭ سەزىنۋى - بۇل ۇلكەن رۋحاني كۇش. سوندىقتان بۇل مەرەيتويدىڭ جاستارعا ىقپالى وتە زور»، - دەدى پروفەسسور.
وسى ورايدا ا. ايتالى، «حالقىمىز ءار ۋاقىتتا «باي تاريحتىڭ يەسىمىز» دەپ ماقتانىپ ءجۇرۋى ءتيىس»، - دەپ اتاپ ءوتتى.
اۆتور : رۋسلان عابباسوۆ
