عالىمدار: كۇنىنە ءبىر الما جەۋ كارىلىكتى باياۋلاتۋعا كومەكتەسەدى

استانا. قازاقپارات - كارىلىك پەن بۇلشىق ەتتەردىڭ كەمۋى پروتسەسىن باياۋلاتۋ ءۇشىن كۇنىنە ءبىر الما جەۋ جەتكىلىكتى، دەپ قورىتىندى جاسادى ايوۆا شتاتى ۋنيۆەرسيتەتىنىڭ (ا ق ش) ماماندارى.

بۇل تۋرالى vokrugsveta.ru جازادى.

ايوۆا شتاتى ۋنيۆەرسيتەتىنىڭ عالىمدارى قىزىقتى جاڭالىق اشتى. ولار بۇلشىق ەتتەردىڭ كەمۋىنە سەبەپ بولاتىن اقۋىزدى انىقتادى - بۇل پروتسەسس اسىرەسە ەگدە جاستا تەز جۇرەدى. ATF4 دەپ اتالاتىن اقۋىز بۇلشىق ەت ءتىنىنىڭ دامۋىن رەتتەيتىن گەننىڭ بەلسەندىلىگىنە جاۋاپ بەرەدى. اعزاداعى ATF4 اقۋىزىنىڭ تىم ارتىق بولۋى اعزاداعى بۇلشىق ەت ءتىنىنىڭ كولەمىن قىسقارتادى.

تىشقاندارعا جاسالعان زەرتتەۋ ATF4 اقۋىزى سانىنىڭ قىسقارۋى قارتايۋدىڭ كەرى فاكتورلارىنا قارسى تۇرۋعا كومەكتەسەتىنىن كورسەتتى. بۇلشىق ەت تونۋسىن ساقتاپ تۇرۋدىڭ ەڭ قاراپايىم ءادىسى - الما قابىعىندا وتە كوپ ۋرسول قىشقىلىن قابىلداۋ. تۋرا وسىنداي ءتيىمدى اسەردى قۇرامىندا توماتيدين قوسپاسى بار توماتتار دا بەرەدى. ولار بۇلشىق ەت وسىمىنە جول بەرىپ، ولاردىڭ كۇشى مەن توزىمدىلىگىن ارتتىرادى. عالىمداردىڭ مالىمەتتەرىنشە، بۇلشىق ەتتەردىڭ كارىلىككە قارسىلاسۋى ءۇشىن كۇنىنە ءبىر الما نەمەسە جاسىل قىزاناق جەۋ جەتكىلىكتى.

«تىشقاندارعا جاساعان تاجىريبەلەرىمىز كەمىرگىشتەر بۇلشىق ەتتەرىنىڭ ماسساسىنىڭ ەكى ايدىڭ ىشىندە 10 پايىزعا، ال بۇلشىق ەتتەر كۇشىنىڭ - 30 پايىزعا ءوسىمىن كورسەتتى. ول ءۇشىن ولاردىڭ راتسيونىنا 0,27 ۋرسول قىشقىلىن جانە 0,05 پايىز توماتيديندى قوسۋ كەرەك»، - دەپ مالىمدەدى زەرتتەۋدىڭ جەتەكشى اۆتورى، ايوۆا ۋنيۆەرسيتەتىندەگى مەديتسينا پروفەسسورى كريستوفەر ادامس.

اۆتور: قانات مامەتقازى ۇلى