قازاق حالقى يمپەريا قۇرعان حالىقپىز دەپ ماقتانۋى ءتيىس - قارجاۋباي سارتقوجا
«قازاق حاندىعىنىڭ 550 جىلدىق مەرەيتويى ەلىمىزدىڭ ەڭ ۇلكەن مەرەكەسى رەتىندە اتالىپ وتۋدە. وسى مەرەكەمەن رۋحاني بايىپ، ماقتانىپ، كەلەشەك ۇرپاققا بابالاردىڭ وسيەتىن، ارمانىن جەتكىزۋىمىز كەرەك، ياعني بۇل ءاربىر ادامنىڭ مىندەتى بولماق. بۇگىنگى ومىرگە كەلگەن سابيدەن باستاپ، 100 كەلگەن اقساقالىمىزعا دەيىنگى ادامداردىڭ پارىزى. ءبىزدىڭ حالقىمىز قازاق حاندىعىنا دەيىن ءۇش ۇلكەن يمپەريا قۇرعان حالىق. سوندىقتان قازاق حالقى يمپەريا قۇرعان حالىقپىز دەپ كەۋدەمىزدى كوتەرىپ، ەركىن ءجۇرۋمىز كەرەك»، - دەدى عالىم.
بۇدان بولەك تۇركولوگ عالىم كەنەسارى حاننىڭ باس سۇيەگىن قازاقستانعا قايتارۋ ماسەلەسىنە توقتالدى. قارجاۋباي سارتقوجانىڭ پايىمىنشا، بۇل ماسەلە ءاربىر ازاماتقا سىن. «بۇل باعىتتاعى شارالارعا ۇكىمەتتەگى ادامدار كىرىسۋى كەرەك. جاي عانا قىزىقتاۋشىلاردىڭ بۇل جۇمىس قولىنان كەلمەيدى. بۇل بيلىكتىڭ موينىنداعى بورىش»، - دەدى عالىم.
اۆتور: رۋسلان عابباسوۆ
