وسكەمەننىڭ اۆتوبۋس ايالدامالارىندا ەلەكتروندىق كىتاپ پايدا بولدى

استانا. قازاقپارات - كىتاپحاناشىلار جاستاردى گادجەت كومەگىمەن «ەلىكتىرە» باستادى.

ەكى اۆتوبۋس پاۆيلونىندا QR- كودىمەن ەلەكتروندىق كىتاپ ستەندتەرى پايدا بولدى.

ەندى قوعامدىق كولىك توسىپ تۇرعان قالالىقتار شيفردى ەسەپتەپ، ءوز موبيلدىك تەلەفونىنا ەلەكتروندىق فورماتتاعى كىتاپتى تەگىن جۇكتەيتىن ارنايى باعدارلامانى پايدالانا الادى.

پۋشكين اتىنداعى وبلىستىق كىتاپحانا قىزمەتكەرلەرى وسىنداي ەرەكشە تاسىلمەن جاستاردى ادەبيەت وقۋعا تارتۋعا نيەتتى، دەپ حابارلادى YK-news.kz.

ەلەكتروندىق «شاعىن- كىتاپحانالار» بىردەن ەكى قوعامدىق كولىك ايالداماسىندا پايدا بولدى، اتاپ ايتقاندا، «دزەرجينسكيي كوشەسىندە ورنالاسقان «مەكتەپ» ، وبلىستىق ءى ءى د- ىنە جاقىن جەردەگى «ادىلەت باسقارماسى» ايالداماسىندا. ستەندتە بەلگىلى تۋىندىلارمەن بىرنەشە سورە بەينەلەنگەن. سول جەردە ەلەكتروندىق كىتاپتى گادجەتكە قالاي جۇكتەۋ قاجەتتىگى جازىلعان.

«سمارتفون، پلانشەت يەلەرىنىڭ تەك ينتەرنەتكە قولجەتىمدىلىگى بولۋى ءتيىس. ارنايى باعدارلامانى جۇكتەپ، QR- كود كامەراسىنا وزدەرىن قىزىقتىراتىن كىتاپتى ەنگىزۋ قاجەت، ارتىنشا وعان قولجەتىمدىلىك بىردەن اشىلادى، - دەپ ءتۇسىندىردى پۋشكين اتىنداعى وبلىستىق كىتاپحانا قىزمەتكەرى باقتىلى راحىمبايەۆا.

- قازىر اۆتوبۋس پاۆيلوندارىندا ەلەكتروندىق كىتاپتارمەن ءۇش «سورە» بار، وندا تانىمال قازاقشا، ورىسشا، شەتەلدىك تۋىندىلار ورنالاستىرىلعان. وسىلايشا زاماناۋي تۇردە ماڭگىلىك ۇزدىك تۋىندىلاردى العا جىلجىتۋدى قولعا الدىق».