11:09, 11 - قىركۇيەك 2015 | GMT +5
بيىلعى قۇربان ايت جوعارى دەڭگەيدە ۇيىمداستىرىلادى - قازاقستان مۇسىلماندارى ءدىني باسقارماسى
استانا. قازاقپارات - بيىل قازاقستان مۇسىلماندارى ءدىني باسقارماسى مۇسىلمان قاۋىمىنىڭ ۇلىق مەرەكەسى - قۇربان ايت مەيرامىن جوعارى دەڭگەيدە، ۇلتتىق ناقىشتا اتاپ وتەدى.
باس ءمۇفتي ەرجان قاجى مالعاجى ۇلى وبلىس، قالا، اۋدان، اۋىل يمامدارىنا جولداعان رەسمي حاتتا مەشىت اۋلالارىنا كيىز ۇيلەر تىگىلىپ، ۇلتتىق ويىن تۇرلەرىنەن ارنايى جارىستار وتكىزۋ، قۇرباندىق ەتتەرىن مۇقتاج جاندارعا ۇلەستىرۋ، قايىرىمدىلىق اكسيالار ۇيىمداستىرۋ، ت. ب. شارالاردى جۇزەگە اسىرۋ قاجەتتىگى ايتىلدى.
سونىمەن بيىل ەلىمىزدىڭ مۇسىلمان قاۋىمى قۇربان ايتتى 24 - قىركۇيەكتە تويلايدى. ايتا كەتسەك، بۇل كۇنى حالقىمىز قۇربان ايتتىڭ قۇرمەتىنە ءبىر كۇن دەمالادى، دەپ حابارلادى قمدب باسپا ءسوز قىزمەتىنەن.
