20:12, 10 - قىركۇيەك 2015 | GMT +5
اۋعاندىق تۇيە ا ق ش سولداتىن تەۋىپ جىبەردى - كەسكىن
استانا. قازاقپارات - الەۋمەتتىك جەلىلەردە اۋعانستاندا امەريكالىق سولداتتى تەۋىپ جىبەرگەن تۇيە تۋرالى بەينەجازبا ۇلكەن تانىمالدىققا يە بولدى.

العاشقى تاۋلىك ىشىندە بەينەجازبانى 100 مىڭعا تارتا ادام تاماشالاپ ۇلگەرگەن.
بەينەجازبادان ا ق ش سولداتى قالجىڭداپ ءوز بەتىمەن جايىلىپ جۇرگەن تۇيەگە ءتيسىپ كورمەك بولادى. الايدا، ويسىلقارا ءپىرى ادامزاتتىڭ وزىنە تيىسكەنىن ءجونسىز كوردى مە، ارتقى اياعىمەن سولداتتى سارت ەتكىزىپ تەۋىپ جىبەرگەندىگىن كورۋگە بولادى.
«سولداتتار قاراۋىلداپ جۇرگەن كەزدە تۇيەلەرگە كوزدەرى تۇسسە كەرەك. ولاردىڭ ىشىندەگى فرانك ەسىمدى جىگىت ءوزىنىڭ باتىلدىعىن ويسىلقارا ءپىرى ارقىلى تەكسەرىپ كورمەك بولادى. ءبىراق ءىسى ءساتسىز اياقتالدى..." دەپ جازادى جەرگىلىكتى باسىلىم.
دەرەككوزى: dni.ru