ەلباسى قىرعىز ەلىنىڭ كورنەكتى مەملەكەت قايراتكەرى ت. ۇسىباليەۆتىڭ قايتىس بولۋىنا بايلانىستى ا. اتامبايەۆقا كوڭىل ايتتى

استانا. قازاقپارات - مەملەكەت باسشىسى قىرعىز رەسپۋبليكاسىنىڭ پرەزيدەنتى المازبەك اتامبايەۆقا سول ەلدىڭ كورنەكتى مەملەكەت قايراتكەرى تۇرداقىن ۇسىباليەۆتىڭ قايتىس بولۋىنا بايلانىستى كوڭىل ايتۋ جەدەلحاتىن جولدادى.

بۇل تۋرالى اقوردانىڭ باسپا ءسوز قىزمەتى حابارلادى.

جەدەلحاتتا نۇرسۇلتان نازاربايەۆ قىرعىزستاننىڭ كورنەكتى باسشىلارىنىڭ ءبىرى، حالقىنىڭ ۇلتجاندى ازاماتى دۇنيەدەن وزعانى تۋرالى حاباردى زور كۇيزەلىسپەن قابىلداعانى ايتىلعان.

مەملەكەت باسشىسى رەسپۋبليكاعا باسشىلىق جاساعان كەزىندە كاسىبي بىلىكتىلىگى مەن ادامگەرشىلىك قاسيەتتەرى ارقىلى كوپشىلىكتىڭ قۇرمەتىنە بولەنگەن ت. ۇسىباليەۆتىڭ باۋىرلاس ەلدى نىعايتۋ مەن وركەندەتۋ ىسىنە مول ۇلەس قوسقانىن اتاپ ءوتتى.

سوڭىندا نۇرسۇلتان نازاربايەۆ قازاقستان حالقىنىڭ جانە جەكە ءوزىنىڭ اتىنان ت. ۇسىباليەۆتىڭ تۋعان- تۋىستارى مەن جاقىندارىنا كوڭىل ايتتى.