تاسباقالاردىڭ جۇگىرۋ جىلدامدىعىندا جاڭا الەمدىك رەكورد ورناتىلدى

استانا. قازاقپارات - ۇلى بريتانيادا تۇراتىن بەرتي الەمدەگى ەڭ جىلدام جۇرەتىن تاسباقا بولىپ تانىلدى.

گيننەستىڭ رەكوردتار كىتابىنىڭ رەسمي سايتىندا بەرتيدىڭ ءبىر ساعاتتا ءبىر شاقىرىمعا جۋىق قاشىقتىقتى ارتقا تاستاعاندىعى تۋرالى اقپارات پايدا بولدى.

باقىلاۋ ولشەۋىنىڭ بارىسىندا بەرتي 19,59 سەكۋندتا 5,48 مەتردەن ءوتىپ، سەكۋندىنا 0,28 مەتر جىلدامدىعىن كورسەتتى. ونىڭ يەلەرى دجانين مەن ماركو كالتسيني انگليانىڭ سولتۇستىك شىعىسىنداعى دارەمدە ويىن- ساۋىق پاركىنە يە. ولاردىڭ شەللي ەسىمدى تاعى ءبىر تاسباقاسى بار، ءبىراق ول جىلدامدىققا جۇگىرۋدە وسالدىق تانىتادى.

تاسباقالاردىڭ ءجۇرۋ جىلدامدىعىنىڭ بۇعان دەيىنگى رەكوردى 1971 -جىلى تىركەلىپ، ساعاتىنا 0,45 شاقىرىمدى قۇراعان. ونى  ۇلى بريتانيا تاسباقاسى چارلي ورناتقان بولاتىن.

فوتو: guinnessworldrecords.com