قازاقستاندىق كورىپكەل باقىت جۇماتوۆانىڭ جۇلدىزى قالاي جاندى؟
ءوز ونەرىن ساراپشىلار مەن سكەپتيكتەرگە دالەلدەي بىلگەن شوۋ قاتىسۋشىسى وسى سوما كولەمىندە سىياقى الادى.
قازىرگى تاڭدا 46 جاستاعى قازاقستاندىق كورىپكەلدىڭ ەكى قارسىلاسى بار. ولار 30 جىلدان استام ۋاقىت قولمەن ەمدەيتىن ايەل جانە «ءارۋاقتاردى كورىپ، تىلدەسەمىن» دەيتىن مەديۋم.
26 - قىركۇيەك كۇنى ماسكەۋدە باقىت جۇماتوۆا الدىن الا تەستىلەۋدەن وتەدى. سىناق «تۇبەگەيلى» تاسىلمەن ءار قاتىسۋشىعا جەكە- جەكە دايىندالادى. شارا اياسىندا باقىت جۇماتوۆانى قانداي سىناق كۇتىپ تۇرعان بەلگىلى. ول ون جاشىكتىڭ بىرىندە جاسىرىلعان اقشالى كونۆەرتتى تاپپاق. تاپسىرمانى ورىنداۋ ءۇشىن وعان سىرىڭكە، سۋ، تاستار جانە ءبىر كولودا كارتا قاجەت. ساراپشىلار كەڭەسى بۇل رەكۆيزيتتى ماقۇلدادى.
سكەپتيكتەر توبىنىڭ ىشىندە رەسەيلىك عالىمدار، يلليۋزيونيستەر مەن جۋرناليستەر بار. ولار الەكساندر پانچين، ميحايل ليدين، كيريلل الفەروۆ، نيكولاي فومۋشين، اسيا كازانسيەۆا جانە ت. ب. بارلىق وقيعا بەينەتاسپاعا جازىلادى. قاتىسۋشى ءتورت مۇمكىندىكتەن ءوز قاسيەتىن دالەلدەۋى ءتيىس.
الدىن الا تەستىلەۋدەن سۇرىنبەي وتكەن جاعدايدا قاتىسۋشى فينالعا وتەدى. «ماعان وتە قىزىق. مەن ءۇشىن جاڭا دەڭگەي. بۇل «ەكستراسەنستەر شايقاسى» ەمەس. ول جەردە قيىن تاپسىرمالار بولادى. مەن ءوز قابىلەتىمدى، كورىپكەل ەكەندىگىمدى دالەلدەۋىم قاجەت. بۇعان سەنبەيتىن عىلىمدار تەكسەرەدى»، - دەدى جۇماتوۆا sntat.ru-عا بەرگەن سۇحباتىندا.
قازاقستاندىق ەكستراسەنستىڭ ايتۋى بويىنشا، كەلەسى كەزەڭ ول ءۇشىن امەريكا گارري گۋدينيدىڭ پرەمياسى بولماق. ول جەردە جەڭىمپاز 1 ميلليون دوللار الادى. دەسە دە 50 جىلدا بۇل جەڭىسكە ەشكىم قول جەتكىزبەگەن.
گارري گۋديني اتاقتى امەريكالىق يلليۋزيونيست، گيپنوزشى، ايلاكەرلەردى اشكەرەلەۋمەن جانە كۇردەلى جاعدايلاردا قاشىپ، بوساپ شىعۋ سياقتى ايلا- ارەكەتتەرمەن ايگىلى بولعان ادام. گۋدينيدىڭ ءومىرىنىڭ ءار ءتۇرلى ەپيزودتارى تالاي رەت كورسەتىلگەن. 1999 -جىلى ونىڭ ءومىربايانى بويىنشا ميۋزيكل، ال 2007 -جىلى «قاتەرلى ءنومىر» كينوسى شىقتى. وندا گۋدينيدىڭ ءرولىن اۆستراليالىق اكتەر گاي پيرس سومدادى، ال ونىڭ عاشىعىنىڭ ءرولىن - كەترين زەتا - دجونس وينايدى.
BNews.kz
