12:02, 10 - قىركۇيەك 2015 | GMT +5
ەۋروپا كوميسسياسى رەسەيگە ەسكەرتۋ جاسادى
استانا. قازاقپارات - ەۋروپا كوميسسياسىنىڭ ءتوراعاسى جان- كلود يۋنكەر رەسەيگە ەۋروپا وداعى ەلدەرىنىڭ قاۋىپسىزدىگى مەن شەكاراسىنا «قول سۇعۋعا بولمايتىنىن» ەسكەرتتى.
«مەن ماسكەۋدىڭ مۇنى جاقسى ۇعىپ العانىن قالايمىن. بالتىق بويى ەلدەرى مەن پولشا - ەۋروپا وداعى ءۇشىن ەڭ ماڭىزدى مۇشە ەلدەر. بۇل مەملەكەتتەر ەگەر شەكاراسى مەن قاۋىپسىزدىگىنە قانداي دا ءبىر قاۋىپ تونسە ءبىزدى كومەك كورسەتە المايدى دەپ ويلاپ قالماسىن» دەدى يۋنكەر ستراسبۋرگتە ەۋروپا پارلامەنتىندە سويلەگەن سوزىندە.
ۋكراينا شىعىسىنداعى سوعىس ماسكەۋ مەن باتىس ەلدەرى اراسىنىڭ قارىم- قاتىناسىن قىرعي- قاباق سوعىس كەزەڭىنەن بەرى بولماعان دەڭگەيدە ناشارلاتىپ جىبەرگەن.
رەسەيدىڭ ۋكراينا شىعىسىنداعى سەپاراتيستەردى قولداۋى، قىرىمدى اننەكسيالاپ الۋى پولشا، لاتۆيا، ليتۆا جانە ەستونيا سياقتى ەلدەردى «ماسكەۋ قىرعي- قاباق سوعىسى كەزىندەگى ۇستەمدىگىن قايتا ورناتۋعا ۇمتىلادى» دەپ الاڭداتا باستاعان.
«ازاتتىق»
