قازاقستاندىق دۋبايدا لوتەرەيادان ميلليون دوللار ۇتىپ الدى
لوتەرەيا 2015 -جىلدىڭ 25 - تامىزىندا بولىپ ءوتتى. ومار ساماليكوۆتىڭ لوتەرەيا وتكىزۋ تاريحىندا جەڭىمپاز بولعان ءبىرىنشى قازاقستاندىق ەكەنى ايتىلادى. ول لوتەرەيانىڭ 198- تيراجىندا ۇتتى. نومەرى 0529 دەگەن بيلەت Dubai Duty Free رەسمي سايتىندا 1000 ديرحەمگە (278 دوللار) ساتىپ الىنعان. قازاقستاندىق ۇتىس ويىنىنىڭ راسىمىنە قاتىسپادى جانە «بۇل تۋرالى بىلسە قاتتى تاڭعالاتىن بولۋى كەرەك» دەلىنەدى.
Millennium Millionaire لوتەرەياسىندا ليۋكس اۆتوموبيلدەرىنىڭ ويناتىلعانى حابارلانىپ وتىر. ماسەلەن، يراك تۇرعىنى Porsche Panamera ۇتىپ الدى، ال ساۋد ارابياسىنان كەلگەن قوناق Ducati Streetfighter 848 سپورتكارىن ۇتتى.
ايتا كەتەيىك، Dubai Duty Free وتكىزەتىن لوتەرەيا ءبىر رەتتىك اكسيا رەتىندە ميلليەنيۋم قارساڭىندا باستالعان. ءبىراق كەيىن ونى ءداستۇرلى تۇردە وتكىزىپ وتىرۋ تۋرالى شەشىم شىعارىلىپتى.
Tengrinews.kz
