ۇلت جوسپارى پەرسپەكتيۆالى جاڭا باعىتتارعا جول اشۋدا - ەلباسىنا ق ر ازاماتتارىنىڭ جولداعان حاتى
بۇل تۋرالى اقوردانىڭ باسپا ءسوز قىزمەتىنەن حابارلادى.
تالدىقورعان قالاسىنىڭ جانە الماتى وبلىسى اۋداندارىنىڭ قوعامدىق بىرلەستىكتەرىنىڭ وكىلدەرى، جۇمىسشىلار مەن جوعارى وقۋ ورىندارىنىڭ ستۋدەنتتەرى، دەنساۋلىق ساقتاۋ سالاسىنىڭ قىزمەتكەرلەرى ۇلت جوسپارىن تابىستى جۇزەگە اسىرۋ قازاقستانعا الەمدىك ەكونوميكاداعى كەز كەلگەن قيىندىقتى ەڭسەرۋگە جانە ودان ءارى دامۋعا قاجەتتى قوسىمشا قۋات كوزىن الۋعا مۇمكىندىك بەرەتىنىن اتاپ وتكەن.
ماسەلەن، قاراساي اۋدانىنداعى «ماۆيد» ج ش س ديرەكتورى ۆ. ماسلاتسوۆ شاعىن جانە ورتا بيزنەستى دامىتۋعا قولايلى جاعداي جاساۋعا باعىتتالعان شارالارعا ايرىقشا نازار اۋدارعان.
«ۇلت جوسپارىندا شيكىزاتتىق ەمەس سالاداعى كوشباسشىلاردى قولداۋ قاراستىرىلعان. وسىلايشا، ءسىز ءوزىڭىزدىڭ «الدىمەن ەكونوميكا، سوسىن ساياسات» دەگەن قاعيداتىڭىزدى، سونداي- اق ەكونوميكالىق ءوسىم قارقىنىن، جيىنتىق ۇلتتىق ءونىمنىڭ قۇرىلىمى مەن ساپاسىن ايقىندايتىن شاعىن جانە ورتا بيزنەس سۋبەكتىلەرىن دامىتۋ جونىندەگى يدەياڭىزدى تاعى قۋاتتاي ءتۇستىڭىز. «100 قادام» تاياۋ بولاشاقتا ەلىمىزگە «قازاقستان-2050» ستراتەگياسىنداعى بارلىق جوسپارلاردى جۇزەگە اسىرۋعا مۇمكىندىك بەرەتىنىنە سەنىمدىمىن»، - دەپ جازادى اۆتور.
اتىراۋ وبلىسىنان كەلگەن حاتتار مەن جەدەلحاتتاردا ۇلت جوسپارىنىڭ ەكونوميكاعا، ەل وڭىرلەرىنىڭ مۇمكىندىكتەرىن تەڭگەرۋگە، جاڭا جۇمىس ورىندارىن اشۋعا جانە بىرلىكتى نىعايتۋعا تيگىزەتىن وڭ ىقپالى اتاپ ايتىلعان. اۆتورلار «100 ناقتى قادامدى» ءىس جۇزىنە اسىرۋعا قوماقتى ۇلەس قوسۋعا دايىن ءاربىر قازاقستاندىقتىڭ قاتىسۋى ارقىلى عانا قاراستىرىلعان مىندەتتەردى شەشۋگە بولاتىنىنا سەنىمدى.
اتىراۋ قالاسىنداعى «ەدىل- جايىق» قاراقالپاق ەتنو- مادەني بىرلەستىگىنىڭ ءتوراعاسى ك. بەكمۇراتوۆ العا قويىلعان مىندەت ەلدى بۇدان دا تابىستى ءارى مىقتى ەتە تۇسەتىنىنە سەنىمدى ەكەنىن ايتقان.
«ءجۇز قادامنىڭ ءبارى ەلدىڭ مۇددەسىنە باعىتتالعان، ءبىزدىڭ ءارقايسىمىز بۇل قادامداردى ءوز ماماندىعىمىز اياسىندا، قوعامدىق ومىردە بۇكىل ەلمەن بىرگە جاساۋىمىز كەرەك. يدەيانىڭ جاھاندىلىعى، ويدىڭ اۋقىمدىلىعى جانە رەفورمالاردى جۇزەگە اسىرۋ جولىنىڭ تياناقتىلىعى - بۇل قازاقستان تاريحىنىڭ جاڭا پاراعى ەكەنىن بىلدىرەدى»، - دەپ جازادى اۆتور.
جامبىل وبلىسىنىڭ بيزنەس وكىلدەرى، ءتۇرلى سالا جۇمىسشىلارى، زەينەتكەرلەر مەن ستۋدەنت جاستار ۇلت جوسپارىندا باسىمدىقتار ايقىن قويىلىپ، كوزدەگەن نىسانا مەن نەگىزگى مىندەتتەر بەلگىلەنگەنىن اتاپ وتكەن. ولار قازاقستاننىڭ بارلىق كەدەرگىلەردى ەڭسەرىپ قانا قويماي، بار الەۋەتىن نىعايتىپ، دامىتا تۇسەتىنىنە سەنىمدىلىك بىلدىرگەن.
ايتالىق، تاراز قالاسىنىڭ تۇرعىنى ە. وبوروۆسكايا مەملەكەت باسشىسى جاريالاعان بەس ينستيتۋتسيونالدىق رەفورما ەلىمىزدىڭ بولاشاعىن قالىپتاستىراتىنىنا نازار اۋدارعان.
«رەفورمالاردى ىسكە اسىرۋ قازاقستانعا دامۋدىڭ جاڭا دەڭگەيىنە كوتەرىلۋگە مۇمكىندىك بەرەدى. ءبىزدىڭ تۇتاستىعىمىز بەن ءبىر- ءبىرىمىزدى قولداۋىمىز قويىلعان مىندەتتەردى شەشۋ ىسىندە ەلىمىزدىڭ نەگىزگى كۇشى بولادى»، - دەلىنگەن حاتتا.
باتىس قازاقستان وبلىسىنىڭ قوعامدىق ۇيىمدارىنان، جاستاردىڭ جانە اۋىل شارۋاشىلىعى بىرلەستىكتەرىنەن، ءبىلىم جانە عىلىم سالاسى وكىلدەرىنەن كەلگەن حاتتاردا قولداۋ بىلدىرىلگەن جانە ول جاھاندىق قاتەرلەرگە بەرىلگەن ناقتى جاۋاپ ەكەنى جانە ەلدىڭ الەمدەگى دامىعان 30 مەملەكەتتىڭ قاتارىنا كىرۋ جونىندەگى سترەتەگياسىن جۇزەگە اسىرۋ باعىتىنداعى جۇيەلى ۇمتىلىسىن قامتاماسىز ەتەتىن قۇجات ەكەنى ايتىلعان.
شىڭعىرلاۋ اۋدانى جاستارىنىڭ اتىنان جازعان «شىڭعىرلاۋ جاستارى» ج ق ب ءتوراعاسى ە. حابدۋلوۆ ءوز حاتىندا قازاقستاندا بۇگىندە وسكەلەڭ ۇرپاقتىڭ دامۋى ءۇشىن بارلىق جاعداي جاسالعانىنا توقتالعان.
«كاسىبي جانە ينتەللەكتۋالدىق تۇرعىدان ءوسۋ، ءوزىمىزدى كورسەتۋ جانە شىعارماشىلىق ءۇشىن الدىمىزدان زور پەرسپەكتيۆالار اشىلعان. ءبىزدى وتانىمىزدىڭ بولاشاعى ءۇشىن جاۋاپكەرشىلىك پەن قازاقستاندا بۇدان دا قۋاتتى ەتە تۇسسەك دەگەن تىلەك بىرىكتىرەدى. ەل تاۋەلسىزدىگى - ءبىزدىڭ باستى بايلىعىمىز. ءبىز ءبارىمىز ءبىر حالىقتىڭ بالاسىمىز جانە الداعى ۋاقىتتا باستى قۇندىلىقتارىمىز - بەيبىتشىلىكتى، بىرلىكتى جانە ورتاق شاڭىراعىمىز - قازاقستان رەسپۋبليكاسىنداعى كەلىسىمدى ساقتايتىن بولامىز»، - دەپ جازادى اۆتور.
وبلىس كاسىپكەرلەرى قاۋىمداستىعىنىڭ اتقارۋشى ديرەكتورى س. ساناۋبايەۆ وتاندىق بيزنەس پەن جالپى ەكونوميكاعا قيىندىقتاردى ويداعىداي ەڭسەرۋگە مۇمكىندىك بەرەتىن شارالارعا نازار اۋدارعان.
«بارلىق سۇراقتىڭ جاۋابى بىرەۋ. ەڭبەك، تەك ەڭبەك ەتۋ كەرەك. ەگەر ءاربىر قازاقستاندىق ءوز جۇمىس ورنىندا ەڭبەك ەتىپ، جەتىلەتىن بولسا، ءبىز وندا ءوزىمىزدىڭ قازاقستان جولىن لايىقتى ءجۇرىپ وتەمىز» ، - دەلىنگەن حاتتا.
وڭتۇستىك قازاقستان وبلىسىنىڭ ەڭبەك ۇجىمدارى، ءبىلىم بەرۋ، مادەنيەت، دەنساۋلىق ساقتاۋ سالالارىنىڭ قىزمەتكەرلەرى، زيالى قاۋىم وكىلدەرى مەملەكەت باسشىسى ۇسىنعان رەفورمالار ەلىمىزدىڭ ورنىقتى جانە جان- جاقتى دامۋىن قامتاماسىز ەتۋ ىسىندە ماڭىزدى ءرول اتقاراتىنىن اتاپ وتكەن. ءوڭىر تۇرعىندارى مەملەكەتتىك ساياساتتىڭ ستراتەگيالىق باعىتتارى وركەندەگەن قازاقستاندى قالىپتاستىرۋ ماقساتىنا قول جەتكىزۋدىڭ جاڭا كەزەڭى بولاتىنىنا سەنىم بىلدىرگەن.
ماسەلەن، شىمكەنت قالاسىنداعى «قازترانس ويل» اق ەڭبەككەرى ا. اقبەرديەۆ جالپىعا ورتاق ەڭبەك قوعامى يدەياسىن بۇدان ءارى ىلگەرىلەتۋدىڭ ماڭىزدىلىعىنا نازار اۋدارادى.
«بارلىق قۇندىلىقتار، ەكونوميكالىق جانە مادەني يگىلىكتەر ادام ەڭبەگى ارقىلى جاسالادى. ناعىز ءونىمدى ەڭبەك ءبىزدىڭ الەۋمەتتىك جاڭعىرتۋ ساياساتىمىزدىڭ نەگىزى بولۋى ءتيىس. ەش جەردە، ەشبىر ەلدە بارىنە بىردەي جانە بىردەن قول جەتكىزۋ مۇمكىن ەمەس. ەڭبەك ەتىپ، ءوز الەۋەتىمىزدى تۋعان قازاقستانىمىزدا پايدالانۋىمىز كەرەك»، - دەپ جازادى اۆتور.
